Trump Targeting Applicants: అమెరికా ఫస్ట్ నినాదంతో 2024 అధ్యక్ష ఎన్నికల్లో గెలిచిన డొనాల్డ్ ట్రంప్.. తన 2.0 పాలనలో వలస వాదులపై ఉక్కుపాదం మోపుతున్నారు. వీలైనంత మేర వలసవాదులను దేశం నుంచి పంపించేందుకు కుయుక్తులు పన్నుతున్నారు. ఇప్పటికే అక్రమ వలసల పేరుతో వేల మందిని వెళ్లగొట్టారు. తర్వాత యూనివర్సిటీల్లో నిరసనలు తెలిపేవారిపై చర్యలు తీసుకున్నారు. ఆ తర్వాత సోషల్ మీడియాపై నిఘా పెట్టారు. ఇక కొత్తగా అమెరికా వచ్చేవారు లక్ష డాలర్ల ఫీజు చెల్లించాలని నిబంధన విధించారు. హెచ్–1బీ వీసాలు కుదించారు. అయితే ఇప్పటికే అమెరికా ఉంటున్నవారికి ఎలాంటి ఇబ్బంది ఉండదని తెలిపారు. కానీ, ఇప్పుడు వారిపైనా ఫోకస్ పెట్టారు.
ఇంటర్వ్యూలకు పిలిచి..
అమెరికాలో గ్రీన్ కార్డు పొందడానికి వచ్చే అభ్యర్థులను యూఎస్సీఐఎస్ కార్యాలయాల్లో గ్రీన్ కార్డు ఇంటర్వ్యూలకు వెళ్లిన దగ్గరగా అమెరికన్ ఇమిగ్రేషన్, కస్టమ్స్ ఎన్ఫోర్స్మెంట్ ఏజెంట్లు అరెస్టు చేస్తున్నారు. ఈ అరెస్టులు ప్రధానంగా వీసా గడువు ముగిసినా దేశంలో ఉన్నవారిని లక్ష్యంగా చేస్తూ జరుగుతున్నాయి. ఎక్కువగా అమెరికన్ పౌరులతో వివాహం చేసినవారు కూడా అరెస్ట్ అవుతున్నారు.
ఇమిగ్రేషన్ న్యాయవాదుల సూచనలు..
ఇమిగ్రేషన్ న్యాయవాదులు ఈ విధానం గురించి హెచ్చరించడం జరిగింది. గ్రీన్ కార్డు ఇంటర్వ్యూకి హాజరైన వారిని అకారణంగా అదుపులోకి తీసుకోవడం అనూహ్యమని, వారికి నేర చరిత్ర లేకపోయినా అరెస్టు చేస్తున్నట్లు తెలిపారు. ఇంటర్వ్యూకి హాజరవ్వాల్సిన అవసరం ఉన్నప్పటికీ, అరెస్టుల విషయంలో జాగ్రత్తగా ఉండాలని సూచిస్తున్నారు. ఇంటర్వ్యూలు మిస్ అయితే కేసులు రద్దు కావొచ్చు. కానీ ఐసీఈ అరెస్టులు ఎప్పుడు జరగవచ్చని జాగ్రత్తగా ఉండాలని చెప్పారు.
వీసా గడుపుపుల నేపథ్యంలో…
ఈ చర్యలు అమెరికాలో చట్టవిరుద్ధంగా ఉన్నవారిని నిరోధించడానికి, జాతీయ భద్రతను కాపాడటానికి తీసుకోబడుతున్న భాగంగా ఉన్నాయి. అయితే, ఎక్కువ మంది రకరకాల కారణాల వలన వీసాలు గడువు మించిపోవటం, అమెరికన్ పౌరులతో వివాహం అయినవారికి కూడా ఈ చర్య ఎదురవటం అమెరికాలో వలస బలాన్ని గురించి మహిళలు ఆందోళన చెందుతున్నారు.
ఈ కొత్త విధానం వలన గ్రీన్ కార్డు ప్రక్రియలో నాటకీయమైన మార్పులు చోటుచేసుకున్నాయి. గ్రీన్ కార్డు ఇంటర్వ్యూలకి హాజరుకాలం ఉన్నా, వీసా గడువు ముగిసిన వారు జాగ్రత్తగా ఉండటం అవసరం. ఇమిగ్రేషన్ న్యాయవాదుల సలహాలతో ముందుగానే నివేదికలు సిద్ధం చేసుకోవడం, కుటుంబ సభ్యులతో కార్యాచరణలను సమన్వయం చేసుకోవడం సూచిస్తున్నారు.
