Japan Heatwave: సాధారణంగా ఆహ్లదకరమైన వాతావరణాన్ని కలిగి ఉండే జపాన్ ఇప్పుడు అధిక ఉష్ణోగ్రతలతో ఉక్కిరిబిక్కిరి అవుతోంది. ఇటీవల దేశంలోని పలు ప్రాంతాల్లో 40 డిగ్రీల సెల్సియస్ కు చేరుకోవడంతో అక్కడి జనాలు అవస్థలు పడుతున్నారు. అధిక వేడితో చాలా మంది వడదెబ్బ బారిన పడుతున్నారు. దీంతో చాలా మంది ఇళ్లలో నుంచి బయటకు రావడానికే భయపడుతున్నారు. అసలు జపాన్ లో ఇలా ఉష్ణోగ్రతలు నమోదు కావడానికి కారణమేంటి? ఈ పరిస్థితి ఎందుకు వచ్చింది?
జపాన్లో అధిక ఉష్ణోగ్రతలు నమోదు కావడానికి అనేక కారణాలు ఉన్నాయి. ముఖ్యంగా ఈ దేశానికి సమీపంగా ఉండే సముద్ర ఉష్ణోగ్రతలు పెరగడం ప్రధాన కారణంగా తెలుస్తోంది. సముద్ర ఉపరితల ఉష్ణోగ్రతలు సాధారణం కంటే ఎక్కువగా ఉండటంతో ఈ ప్రాంతంలో ఉన్న జపాన్ వాతావరణం కూడా వేడెక్కింది. కొన్ని గణాంకాల ప్రకారం.. దశాబ్దంలో ఈ దేశంలో సుమారు 1.3 సెల్సియస్ లు పెరిగినట్లు తెలుస్తోంది. మరో వైపు టోక్యో వంటి పెద్ద నగరాల్లో కాంక్రీట్ భవనాలు, రోడ్లు పగటిపూట వేడిని గ్రహించి రాత్రి కూడా విడుదల చేస్తున్నాయి. వాహనాలు, ఎయిర్ కండిషనర్లు విడుదల చేసే వేడి కూడా దీనికి తోడవుతుంది. ఫలితంగా నగర ప్రాంతాల్లో ఉష్ణోగ్రతలు చుట్టుపక్కల గ్రామీణ ప్రాంతాల కంటే ఎక్కువగా ఉంటున్నాయని అంటున్నారు.
జపాన్ లో అధిక ఉష్ణోగ్రతలు పెరుగుతున్న నేపథ్యంలో ప్రజలు ఉపశమనం కోసం చల్లటి ప్రదేశాల్లో ఉండేందుకు ఆసక్తి చూపుతున్నారు. ఈ నేపథ్యంలో ఇక్కడ హ్యుమన్ ఫ్రిడ్జ్ గురించి ఆసక్తిగా చర్చ సాగుతోంది. సాధారణంగా కిచెన్ వస్తువులు స్టోర్ చేసేందుకు ఫ్రిడ్జ్ వాడుతూ ఉంటాం. కానీ ఇక్కడ మనుషులు కూడా రిలాక్స్ కావడానికి ప్రత్యేకంగా హ్యుమన్ ఫ్రిడ్జ్ లను ఏర్పాటు చేస్తున్నారు. దీనినే Do Hiemon Box అని కూడా పిలుస్తారు.
ఇందులో సుమారు 15 సెల్సియస్ డిగ్రీల ఉష్ణోగ్రతలు ఉంటాయి. ఇందులో కూర్చొవడం వల్ల శరీరం మొత్త 5 సెల్సియస్ డిగ్రీల గాలిని అందిస్తుంది. దీంతో 5 నుంచి 10 నిమిషాల్లో శరీర వేడి తగ్గుతుంది. ఇది స్టెయిన్ లెస్ స్టీల్ తో తయారు చేశారు. ఇందులో ఒక కుర్చీ ఉంటుంది. డోర్ క్లోజ్ చేసిన తరువాత తన పనిని ప్రారంభిస్తుంది. ప్రస్తుతం వాతావరణంలో వేడి ఎక్కువగా ఉండడంతో చాలా మంది ఇందులో ఉండేందుకు ఆసక్తి చూపుతున్నారు.
