Israel Vs Iran: పశ్చిమాసియాలో ఇరాన్, ఇజ్రాయెల్ మధ్య ఉద్రిక్తతలు మరోసారి ఉవ్వెత్తున ఎగిశాయి. ఇజ్రాయెల్ ఇరాన్లోని కొన్ని లక్ష్యాలపై ఇటీవల దాడులు చేసింది. ప్రతిగా ఇరాన్ కూడా ప్రతిదాడులతో స్పందించింది. ఈ ఘటనలు పశ్చిమాసియాలో మరో యుద్ధానికి దారితీసే అవకాశం కనిపిస్తోంది.
కొన్నేళ్లుగా ఇరాన్, ఇజ్రాయెల్ మధ్య శత్రుత్వం కొనసాగుతోంది. ఇరాన్ నిర్వహిస్తున్న అణు కార్యక్రమం, హిజ్బుల్లా, హౌతీల వంటి సమూహాలకు మద్దతు ఇవ్వడం ఇజ్రాయెల్కు ఆందోళన కలిగిస్తున్నాయి. ఈ నేపథ్యంలో ఇజ్రాయెల్ ఇరాన్పై రహస్య, బహిరంగ దాడులు చేస్తోంది. 2024 అక్టోబర్లో ఇరాన్ ఇజ్రాయెల్పై 180 క్షిపణులతో దాడి చేయడం ఉద్రిక్తతలను మరింత పెంచింది.
ఇరాన్ ప్రతిదాడి
ఇజ్రాయెల్ దాడులకు ప్రతిస్పందనగా ఇరాన్ కూడా క్షిపణులు, డ్రోన్లతో దాడులు ప్రారంభించింది. ఇజ్రాయెల్ ఐరన్ డోమ్ వ్యవస్థ ఈ దాడులను అడ్డుకున్నప్పటికీ, కొన్ని ప్రాంతాల్లో నష్టం వాటిల్లినట్లు సమాచారం. ఈ పరిణామాలు ఇరు దేశాల మధ్య నేరుగా యుద్ధం జరిగే అవకాశాన్ని పెంచుతున్నాయి.
చమురు మార్కెట్పై ప్రభావం
ఈ ఉద్రిక్తతలు ప్రపంచ చమురు మార్కెట్పై తీవ్ర ప్రభావం చూపే అవకాశం ఉంది. ఇరాన్ చమురు కేంద్రాలపై దాడులు జరిగితే ధరలు గణనీయంగా పెరిగే ప్రమాదం ఉందని నిపుణులు హెచ్చరిస్తున్నారు. అమెరికా, ఐరోపా వంటి దేశాలు ఈ పరిస్థితిని దగ్గరగా పరిశీలిస్తున్నాయి.
మరో యుద్ధం తప్పదా..
ఈ దాడులు, ప్రతిదాడులు మరో ప్రాంతీయ యుద్ధానికి దారితీస్తాయా అన్న ఆందోళన పెరుగుతోంది. ఇప్పటికే గాజా, లెబనాన్, యెమెన్లలో ఇజ్రాయెల్ ఆపరేషన్లు కొనసాగుతుండగా, ఇరాన్తో నేరుగా ఘర్షణ ప్రపంచ శాంతికి ముప్పుగా మారవచ్చు. అంతర్జాతీయ సమాజం ఉద్రిక్తతలు తగ్గించేందుకు దౌత్యపరమైన ప్రయత్నాలు చేయాలని కోరుతోంది.
ముస్లిం దేశాల మద్దతు..
ఇరాన్కు పశ్చిమాసియాలోని చాలా ముస్లిం దేశాలు మద్దతుగా నిలిచే అవకాశం ఉంది. గాజా, లెబనాన్, యెమన్, టక్కీ, అజర్బైజాన్, పాకిస్తాన్ కూడా ఇరాన్కు అండగా నిలుస్తాయని విశ్లేషకులు అంచనా వేస్తున్నారు. అదే జరిగితే యుద్ధం మరింత ముదిరే అవకాశం ఉంది.
ఇరాన్, ఇజ్రాయెల్ మధ్య పెరుగుతున్న ఘర్షణలు పశ్చిమాసియాలో అస్థిరతను మరింత ఉధృతం చేస్తున్నాయి. రెండు దేశాలూ సంయమనం పాటించకపోతే, ఈ ఉద్రిక్తతలు ప్రపంచవ్యాప్తంగా తీవ్ర పరిణామాలకు దారితీయవచ్చు. శాంతి కోసం అంతర్జాతీయ జోక్యం, దౌత్య చర్చలు తక్షణం అవసరం.
