Fight Against Islamic Terrorism: అది ఓ ఇస్లామిక్ దేశం. ప్రపంచంలోని సంపన్న దేశాల్లో ఒకటి. ఆ దేశంపై ఆధారపడి అనేక దేశాలకు చెందిన కార్మికులు ఉపాధి పొందుతున్నారు. ఇస్లామిక్ దేశాలతో సఖ్యత కొనసాగిస్తున్న ఆదేశం ఇస్లామిక్ ఉగ్రవాదం మరక తమ దేశానికి అంటకుండా చూసుకుంటోంది. తమ పౌరులపై ఆ నీడ కూడా పడకుండా రక్షిస్తోంది. అదే యునైటెడ్ అరబ్ ఎమిరేట్స్(యూఏఈ). ముస్లిం జనాభా, ఇస్లామిక్ పాలకులతో కూడిన యూఏఈ తమ దేశంలో ఉగ్రవాదం పాగలు పెట్టుకోకుండా కఠిన చర్యలు తీసుకుంటోంది. మక్కా–మదీనా సన్నిహిత దేశంగా ఇస్లాం ప్రభావం శతాబ్దాలుగా కొనసాగినా, ఉగ్రవాద భావాలకు వ్యతిరేకంగా పోరాడుతోంది. సౌదీ అరేబియాతో కలిసి ఇస్లామిక్ దేశాల సమస్యల్లో ఐక్యంగా ఉంటూ, తమ దేశ భద్రతకు ప్రాధాన్యత ఇస్తోంది.
యూకేలో రాడికలైజేషన్ నివారణ..
యూకేలో చదువుకునే తమ విద్యార్థులలో మతోన్మాదం రాకుండా యూఏఈ పరిశీలనలు చేస్తోంది. యూనివర్సిటీల గురించి సమాచారం సేకరిస్తూ, ఉగ్రవాద గత్రాలతో ముడిపడిన విద్యాసంస్థలకు స్కాలర్షిప్లు, గ్రాంట్లు ఇవ్వడం ఆపేస్తోంది. 2025లో 8 యూకే కాలేజీలను బ్లాక్లిస్ట్ చేసింది. 2023–24లో 70 మంది విద్యార్థులకు మతోన్మాదం ఎక్కినట్టు తేలడంతో వారిని డీ–రాడికలైజేషన్ ప్రోగ్రామ్లకు పంపింది.
యూఏఈ బ్లాక్ లిస్ట్లో యూకే యూనివర్సిటీలు..
ఇటీవల యూఏఈ యూకేలోని కొన్ని యూనివర్సిటీలకు గ్రాంట్లు ఇస్తామని ప్రకటించింది. యూకే ప్రభుత్వం ఆశ్చర్యపోయింది – ఆ జాబితాలో కొన్ని సంస్థలు ఉగ్రవాద గత్రాలతో ముడిపడి ఉన్నాయి. యూఏఈ స్పష్టం చేసింది – ‘అక్కడ మతోన్మాదాన్ని ప్రోత్సహించే పరిస్థితులు ఉన్నాయి. మా విద్యార్థుల భద్రత కోసం గ్రాంట్లు ఆపేశాము.‘ ఇది యూఏఈ వ్యూహాత్మక ఆలోచనకు నిదర్శనం.
ముస్లిం బ్రదర్హుడ్ నిషేధం..
1990 నుంచి యూకేలో ముస్లిం బ్రదర్హుడ్ కొన్ని విభాగాలను యూఏఈ, సౌదీ అరేబియా కలిసి నిషేదించాయి. ఈ సంస్థలు యూనివర్సిటీల ద్వారా యువతలో రాడికల్ భావాలను వ్యాప్తి చేస్తున్నాయని ఆరోపణ. యేమెన్ విషయంలో భేదాలు ఉన్నా, ఉగ్రవాద వ్యాప్తి అడ్డుకోవడంలో ఈ దేశాలు ఒక్కటిగా నిలబడ్డాయి.
భారత్కు పాఠాలు..
యూఏఈ చర్యలు ఇస్లామిక్ దేశాలకు కూడా మాదిరిగా నిలుస్తాయి. భారత్లో విదేశీ విద్యార్థుల స్క్రీనింగ్, యూనివర్సిటీలపై పరిశోధనలు అవసరం. డీ–రాడికలైజేషన్ ప్రోగ్రామ్లు, గ్రాంట్ నియంత్రణలు జాతీయ భద్రతకు ముఖ్యం. మతపరమైన దేశం కూడా ఉగ్రవాదానికి వ్యతిరేకంగా నిలబడటం అందరికీ అవగాహన కల్పిస్తోంది.
