China : చైనాలో ఫ్లయింగ్‌ టాక్సీలు. ఇక ఎగిరిపోవడమే

China : చైనా తన రవాణా రంగంలో ఒక కొత్త అధ్యాయాన్ని ప్రారంభించింది. చైనా సివిల్‌ ఏవియేషన్‌ అడ్మినిస్ట్రేషన్‌ (CAAC) దేశంలోని మొట్టమొదటి స్వయంచాలక ప్యాసింజర్‌ డ్రోన్‌లు లేదా ‘ఫ్లయింగ్‌ టాక్సీల‘(Flying Taxi) వాణిజ్య ఉపయోగానికి ఆమోదం తెలిపింది. ఈ నిర్ణయంతో, చైనా ప్రపంచంలోనే మొదటి స్వయంచాలక ఎలక్ట్రిక్‌ వర్టికల్‌ టేకాఫ్‌ అండ్‌ ల్యాండింగ్‌ (eVTOL) వాహనాల వాణిజ్య సేవలను ప్రారంభించే దిశగా ముందడుగు వేసింది. EHang అనే సంస్థ అభివృద్ధి చేసిన EH216– మోడల్‌కు ఈ ఆమోదం లభించింది.

Also Read : భారత్‌–చైనా సంబంధాల్లో మరో కీలక మలుపు

ప్రత్యేకతలు ఇవీ..
ఈ రెండు సీట్ల ఫ్లయింగ్‌ టాక్సీ పూర్తిగా ఎలక్ట్రిక్‌(Elictric)తో నడుస్తుంది. 16 ప్రొపెల్లర్లతో రూపొందించబడింది. ఇది గంటకు 100 కిలోమీటర్ల వేగంతో ప్రయాణించగలదు గరిష్ఠంగా 3 వేల మీటర్ల ఎత్తు వరకు ఎగరగల సామర్థ్యం కలిగి ఉంది. ఈ వాహనం పైలట్‌ లేకుండా స్వయంచాలకంగా నడుస్తుంది, దీనిని ఎయిర్‌ టాక్సీ సేవలు, ఏరియల్‌ టూరిజం, విమానాశ్రయ షటిల్‌లు మరియు ద్వీపాల మధ్య రవాణా కోసం ఉపయోగించాలని EHang యోచిస్తోంది.

2024లోనే మాస్‌ ప్రొడక్షన్‌ సర్టిఫికెట్‌..
ఈ ఫ్లయింగ్‌ టాక్సీలకు 2024లోనే మాస్‌ ప్రొడక్షన్‌ సర్టిఫికేట్‌ లభించింది. 2025 నాటికి వాణిజ్య వినియోగం కోసం పూర్తి అనుమతి లభించింది. చైనా ఈ రంగంలో ‘లో–ఆల్టిట్యూడ్‌ ఎకానమీ‘ని ప్రోత్సహిస్తోంది, ఇది 1,000 మీటర్ల ఎత్తు వరకు వాణిజ్య అవకాశాలను సృష్టించే లక్ష్యంతో పనిచేస్తోంది. ఈ ఆర్థిక వ్యవస్థ 2025 నాటికి 1.5 ట్రిలియన్‌ యువాన్‌ల విలువైనదిగా, 2035 నాటికి 2.5 ట్రిలియన్‌ యువాన్‌ల వరకు విస్తరించవచ్చని అంచనా వేయబడింది.

విప్లవాత్మక మార్పు..
ఈ పరిణామం చైనా టెక్నాలజీ, రవాణా రంగంలో ఒక విప్లవాత్మక మార్పును సూచిస్తుంది. అయితే దీనికి సంబంధించిన నియంత్రణలు, భద్రతా ప్రమాణాలు, బీమా పథకాలను రూపొందించడం ఇంకా కీలక సవాళ్లుగా మిగిలి ఉన్నాయి. చైనా ఈ దిశగా వేగంగా అడుగులు వేస్తుండగా, భారతదేశం వంటి ఇతర దేశాలు ఈ టెక్నాలజీని ఎప్పుడు, ఎలా స్వీకరిస్తాయనేది ఆసక్తికరంగా మారింది

Also Read : అమెరికా ప్రతీకార సుంకాలు.. భారత్‌పై కీలక నిర్ణయం!