Bigg Boss 7 Telugu: బిగ్ బాస్ సీజన్ 7 మొదటి కెప్టెన్ ఎవరంటే? ఎవరూ ఊహించలేదు!

Bigg Boss 7 Telugu: హౌస్లో కెప్టెన్సీ టాస్క్ రసవత్తరంగా మారింది. పోటీలో నాలుగు టీంలు ఉన్నాయి. ప్రతి టీమ్ నుండి ఒకరు త్యాగం చేసి కెప్టెన్సీ కోసం పోటీ నుండి తప్పు కున్నారు. దీంతో గౌతమ్, తేజా, పల్లవి ప్రశాంత్, సందీప్ నెక్స్ట్ కంటెండర్స్ రేసులో నిలిచారు. ‘రంగు పడుద్ది రాజా’ అనే టాస్క్ నిర్వహించాడు. ఈ టాస్క్ లో కంటెండర్స్ నలుగురు తెల్లని టీ షర్ట్స్ ధరించాలి. అందరి దగ్గర రంగుతో కూడిన బౌల్స్ ఉన్నాయి. ప్రత్యర్థుల టీ షర్ట్స్ పై రంగు పూయాలి. అదే సమయంలో తమ టీ షర్ట్స్ కి రంగు అంటకుండా చూసుకోవాలి. టాస్క్ పూర్తి అయ్యే సమయానికి ఎవరి టీ షర్ట్ కి తక్కువ పెయింట్ ఉంటుందో వారే విన్నర్.

ఈ టాస్క్ కి సంచాలక్ గా ప్రియాంక వ్యవహరించాలని బిగ్ బాస్ ఆదేశించాడు. ఈ టాస్క్ లో తేజా, సందీప్ ఫెయిల్ అయినట్లు తెలుస్తుంది. చివర్లో గౌతమ్, పల్లవి ప్రశాంత్ మిగిలారు. వీరిద్దరిలో ఎవరు విన్నర్ అనేది నేటి ఎపిసోడ్ తో తేలనుంది. అయితే సోషల్ మీడియా టాక్ ప్రకారం పల్లవి ప్రశాంత్ విన్నరై బిగ్ బాస్ సీజన్ 7 మొదటి కెప్టెన్ అయ్యాడట. ఈ మేరకు ఓ వార్త హల్చల్ చేస్తుంది.

మరి అదే జరిగితే సంచలనం అనాలి. తనను తక్కువ అంచనా వేసిన అమర్ దీప్ వంటి కంటెస్టెంట్స్ కి చెంప పెట్టు అవుతుంది. రంగు పడుద్ది రాజా టాస్క్ లో పల్లవి ప్రశాంత్ గెలవ కూడదని అమర్ దీప్ గట్టిగా కోరుకున్నాడు. శివాజీ మాత్రం పల్లవి ప్రశాంత్ కి మద్దతుగా నిలిచాడు. అమర్ దీప్ పలుమార్లు పల్లవి ప్రశాంత్ పై అవమానకర కామెంట్స్ చేశాడు. రతికా రోజ్-అమర్ దీప్ రైతు బిడ్డను టార్గెట్ చేశారు.

ఈ కారణంగానే రతికా రోజ్ పై విపరీతమైన నెగిటివిటీ పెరిగి ఎలిమినేట్ అయ్యింది. ఇక కెప్టెన్ ఎవరనేది మరి కొన్ని గంటల్లో తేలిపోనుంది. మరోవైపు ఈ వారం అమర్ దీప్, ప్రిన్స్ యావర్, శుభశ్రీ, గౌతమ్, తేజా, ప్రియాంక, శివాజీ నామినేషన్స్ లో ఉన్నారు. వీరిలో ఒకరు ఎలిమినేట్ కానున్నారు. మళ్ళీ ఇంటిని వీడేది అమ్మాయే అంటున్నారు. డబుల్ ఎలిమినేషన్ కూడా ఉండొచ్చని వాదన.