Actresses Played Prostitute Roles: యాక్టింగ్ కెరీర్ అంత ఈజీ కాదు. చాలా సవాళ్లు ఎదుర్కోవాల్సి ఉంటుంది. ముఖ్యంగా హీరోయిన్స్ కి కత్తిమీద సామే. ప్రతి రోజు అనేక కఠిన, ఇబ్బందికర పరిస్థితులు ఎదురవుతాయి. వందల మంది మగాళ్ల మధ్య ఒళ్ళు కనిపించేలా బట్టలు వేసుకోవాలి. హీరోతో రొమాంటిక్ సన్నివేశాల్లో నటించాలి. ఇక వేశ్య పాత్ర చేయాల్సి వస్తే… నిజంగా అతిపెద్ద సాహసమే. వేశ్య అంటే బెడ్ రూమ్ సన్నివేశాలు ఖచ్చితంగా ఉంటాయి. అందుకే చాలా మంది మేము చేయమని చెప్పేస్తారు. అతి కొద్ది మంది హీరోయిన్స్ మాత్రమే కెరీర్ కోసం లేదా గొప్ప నటిగా నిరూపించుకోవడం కోసం ఈ తరహా పాత్రల్లో నటించేందుకు ఒప్పుకుంటారు. కాగా వేశ్య పాత్రలు చేసిన హీరోయిన్స్ ఎవరో చూద్దాం.
స్టార్ లేడీ అనుష్క వేశ్య రోల్ చేయడం విశేషం. కెరీర్లో ఎదుగుతున్న రోజుల్లో దర్శకుడు క్రిష్ తెరకెక్కించిన వేదం మూవీలో ఆమె వేశ్య రోల్ చేశారు. సీనియర్ హీరోయిన్ టబు భక్తిరస చిత్రం పాండురంగడు మూవీలో బాలకృష్ణను వలలో వేసుకున్న వేశ్యలా కనిపించి మెప్పించారు. ఇక డైరెక్టర్ పూరి జగన్నాధ్ పార్టనర్ ఛార్మి జ్యోతిలక్ష్మీ చిత్రంలో వేశ్య పాత్ర చేశారు.
సీనియర్ స్టార్ హీరోయిన్ శ్రియ శరన్ సైతం వేశ్య పాత్ర చేయడం విశేషం. పవిత్ర మూవీలో ఆమె ఈ ఛాలెంజింగ్ రోల్ లో మెస్మరైజ్ చేశారు. ఖడ్గం ఫేమ్ సంగీత తమిళ చిత్రం ధనంలో వేశ్యగా నటించారు. హోమ్లీ హీరోయిన్ స్నేహ వేశ్య రోల్ చేయడం ఊహించని పరిణామం. ధూల్ పేట్ చిత్రంలో స్నేహ వేశ్యగా అలరించారు. స్టార్ కిడ్ శృతి హాసన్ కెరీర్ బిగినింగ్ లోనే బోల్డ్ రోల్స్ చేశారు. హిందీ మూవీ ‘డి డే’లో ఆమె పాకిస్థానీ వేశ్యగా కనిపించారు.
బాహుబలి శివగామి రమ్యకృష్ణ ఈ విషయంలో అందరికంటే ముందు ఉన్నారు. కమల్ హాసన్ హీరోగా విడుదలైన కామెడీ రొమాంటిక్ ఎంటర్టైనర్ పంచతంత్రం చిత్రంలో రమ్యకృష్ణ వేశ్య రోల్ చేశారు. ఈ తరం టైర్ టూ హీరోయిన్స్ అంజలి, బిందుమాధవి కూడా వేశ్యపాత్రల్లో నటించి మెప్పించారు. ఇక నాలుగు దశాబ్దాల క్రితమే కొందరు తెలుగు హీరోయిన్స్ వేశ్య పాత్రలు చేయడం విశేషం. జయసుధ, జయప్రద వంటి అలనాటి తారలు కూడా వేశ్య పాత్రలు చేసి మెప్పించారు.
