Sai Pallavi: సాయి పల్లవి సిల్వర్ స్క్రీన్ పై కనిపించి చాలా రోజులవుతుంది. అలాగే ఆమె కొత్త ప్రాజెక్ట్స్ కి సైన్ చేయలేదు. స్టార్ హీరోల చిత్రాల్లో సాయి పల్లవికి ఆఫర్స్ వచ్చాయంటూ ప్రచారం జరుగుతుంది. కానీ ఎలాంటి అధికారిక ప్రకటన లేదు. ఇది ఒకింత ఆమె అభిమానులను నిరాశకు గురి చేస్తుంది. మరోవైపు సాయి పల్లవి మొత్తంగా సినిమాలు మానేశారన్న ప్రచారం ఊపందుకుంది. పెళ్లి చేసుకోవాలనుకుంటున్న సాయి పల్లవి సినిమాలు మానేశారన్న ఓ వాదన తెరపైకి వచ్చింది. పేరెంట్స్ ఆమెకు సంబంధాలు చూస్తున్నారని కథనాలు వెలువడ్డాయి.
మరో వాదన ఏంటంటే… ఆమె డాక్టర్ గా సెటిల్ కావలనుకుంటున్నారు. జార్జియా దేశంలో ఎంబిబిఎస్ చదివిన సాయి పల్లవి డాక్టర్ ప్రాక్టీస్ మొదలుపెట్టారు. తన సేవింగ్స్ తో క్లినిక్ ఏర్పాటు చేసి డాక్టర్ గా సేవలందించాలని డిసైడ్ అయ్యారన్న ప్రచారం జరిగింది. ఈ వార్తల్లో నిజమెంత అనేది పక్కన పెడితే సాయి పల్లవి సినిమాలు మానేయలేదనే క్లారిటీ వచ్చింది. ఆ మధ్య ఓ ఇంటర్వ్యూలో కొత్త చిత్రాలకు ఎందుకు సైన్ చేయడం లేదో చెప్పారు.
సాయి పల్లవి అంటే తన ఇంట్లో అమ్మాయిగా ఆడియన్స్ భావిస్తారు. వారు మెచ్చుకునేలా, ఎంటర్టైన్ అయ్యేలా నా పాత్రలు ఉండాలి. మంచి సబ్జెక్ట్స్ కోసం ఎదురుచూస్తున్నాను. స్క్రిప్ట్ నచ్చితే భాషాబేధం లేకుండా సినిమా చేస్తానంటూ చెప్పుకొచ్చారు. కాబట్టి సాయి పల్లవి భవిష్యత్ లో సినిమాలు చేయడం ఖాయం. అలాగే మరింత గొప్ప పాత్రల్లో ఆమెను చేస్తామనే నమ్మకం సాయి పల్లవి కామెంట్స్ కలిగించాయి.
ఇక చాలా నిరాడంబరంగా ఉండే సాయి పల్లవి జీవితంలో ఆ మూడు ఉంటే చాలంటుంది. నవ్వులు, ఆశ, కృతజ్ఞత… మనిషికి ఈ మూడు విషయాలు చాలు. హ్యాపీగా లైఫ్ లాగించేయొచ్చని చెబుతుంది. చాలా అరుదుగా సోషల్ మీడియా పోస్ట్స్ పెట్టే సాయి పల్లవి ఈ మేరకు ఇంస్టాగ్రామ్ లో కామెంట్ చేశారు. అలాగే తన లేటెస్ట్ ఫోటో షేర్ చేశారు. విలువలు కలిగిన హీరోయిన్ గా సాయి పల్లవి పేరు తెచ్చుకున్నారు. పాత్ర నచ్చకపోతే కోట్లు ఆఫర్ చేసినా మూవీ చేయదు. వ్యాపార ప్రకటనల్లో నటించదు. నేను నమ్మని విషయాన్ని ప్రచారం చేయనంటుంది. అందుకే సాయి పల్లవి చాలా స్పెషల్. సాయి పల్లవి తెలుగులో చివరిగా విరాటపర్వం చిత్రంలో నటించారు. సాయి పల్లవి నటించిన తమిళ చిత్రం గార్గి కూడా గత ఏడాది విడుదలైంది.
