Rana Naidu: టాలీవుడ్ లో ఫ్యామిలీ ఆడియన్స్ లో విపరీతమైన ఫ్యాన్ ఫాలోయింగ్ ఉన్న హీరో అంటే మనకి విక్టరీ వెంకటేష్ పేరు తప్ప మరో హీరో పేరు వినిపించదు.ఆయన సినిమా వచ్చిందంటే చాలు ఫ్యామిలీ ఆడియన్స్ థియేటర్స్ కి క్యూ కట్టేస్తారు.ఆరు పదుల వయస్సులో కూడా ఆయనకీ బాక్స్ ఆఫీస్ వద్ద అంత అద్భుతమైన వసూళ్లు వస్తున్నాయంటే దానికి కారణం ఫ్యామిలీ ఆడియన్స్ లో ఉన్న క్రేజ్ అనే చెప్పాలి.ఆ ఇమేజి ని వెంకటేష్ ఏరోజు కూడా చెడుపుకోలేదు.
మారుతున్న ట్రెండ్ ప్రకారం డబుల్ మీనింగ్ వచ్చే డైలాగ్స్ చెప్పడం, అసభ్యకరమైన మాటలు వంటివి అసలు చేసేవాడే కాదు.కానీ రీసెంట్ గా విడుదలైన ‘రానా నాయుడు’ వెబ్ సిరీస్ చూస్తే, నాలుగు దశాబ్దాల నుండి ఆయన సంపాదించుకున్న మంచి పేరుని మొత్తం గంగలో కలిపినట్టు అయ్యింది అనే భావన కలుగుతుంది.నిన్ననే ఈ వెబ్ సిరీస్ నెట్ ఫ్లిక్స్ లో స్ట్రీమింగ్ అవ్వడం ప్రారంభించింది.
వెంకటేష్ తో పాటుగా ఆయన అబ్బాయి రానా దగ్గుపాటి కూడా ఈ సిరీస్ లో మరో హీరో గా నటించాడు.ఈ సిరీస్ విడుదలకు ముందు నుండే వెంకటేష్ మరియు రానా ఫ్యామిలీ తో కూర్చొని చూడొద్దు, ఇది అలాంటి సినిమా కాదు అని చెప్తూనే ఉన్నారు.కానీ వాళ్ళు ఎంత చెప్పినా అది వెంకటేష్ ఉన్న సిరీస్.ఆయనకీ ఫ్యామిలీ ఆడియన్స్ లో ఉన్న క్రేజ్ వల్ల వాళ్ళు కచ్చితంగా చూస్తారు.అలా చూస్తే మాత్రం అడ్డం గా బుక్ అయ్యినట్టే, ఎందుకంటే మొదటి ఎపిసోడ్ ప్రారంభం పది నిమిషాల్లోనే బూతుల పురాణం, సెక్స్ సన్నివేశాల తోనే ప్రారంభం అవుతుంది.అలా ప్రతీ పది నిమిషాలకు ఒక బూతు ఉండడం,అది కూడా విక్టరీ వెంకటేష్ లాంటి పెద్ద హీరో నోటి నుండి రావడం జీర్ణించుకోలేక పొయ్యారు అభిమానులు.
ఇలాంటి అడల్ట్ కంటెంట్ కి యూత్ బాగా ఆకర్షితులు అవుతారు..కానీ ఈ సిరీస్ చూస్తే మాత్రం వాళ్ళు కూడా చీదరించుకునే రేంజ్ లో ఉంటుంది.ఇక ఈ సిరీస్ కి ఇప్పటి వరకు 1 మిలియన్ వ్యూస్ కూడా రాలేదట.చిన్న సినిమాలు సైతం రెండు మిలియన్ వ్యూస్ ని అవలీల గా సొంతం చేసుకుంటుంటే వెంకటేష్ లాంటి హీరో కి ఇంత తక్కువ రావడం ఓటీటీ హిస్టరీ లోనే మొదటిసారి అని అంటున్నారు విశ్లేషకులు.
