పూనమ్ కౌర్.. చేసింది కొన్ని సినిమాలైనా సరే.. పవర్ స్టార్ పవన్ కళ్యాణ్ పై హాట్ కామెంట్స్ తో వార్తల్లో నిలిచింది. పవన్ కు అనుకూలంగా.. ప్రతికూలంగా.. పరోక్షంగా ఈమె చేసిన వ్యాఖ్యలు సినిమా ఇండస్ట్రీలో కలకలం రేపాయి. తాజాగా మరోసారి నర్మగర్భంగా పరోక్షంగా ఆమె చేసిన వ్యాఖ్యలు సంచలనమయ్యాయి.
తాజాగా మరోసారి పూనమ్ కౌర్ అలాంటి ట్వీట్ తోనే వార్తల్లో నిలిచారు.. పవన్ కళ్యాణ్ తో ముడిపడ్డ ఓ అంశంపై ఆమె పరోక్షంగా మాట్లాడింది. ‘ఒక నటుడు, ఒక రాజకీయ నాయకుడు అయిన వ్యక్తి గురించి ప్రకాష్ రాజ్ మాట్లాడితే పెద్ద చర్చనీయాంశం అయ్యాయని.. అవి పతాక శీర్షికలు ఎక్కాయని.. కానీ ఏ పక్షపాతం లేకుండా.. రాజకీయ అజెండా లేకుండా రైతుల గురించి మాట్లాడితే ఎవరూ పట్టించుకోవట్లేదని.. ఇది హిపోక్రసి కాదా’ అని పూనమ్ ప్రశ్నించింది.
. సీనియర్ నటుడు ప్రకాష్ రాజ్ ఇటీవల పవన్ కళ్యాణ్ రాజకీయ విధానాల గురించి విమర్శలు చేసిన సంగతి తెలిసిందే. కొన్ని రోజుల పాటు ఆ వ్యాఖ్యల గురించి పెద్ద చర్చే నడిచింది. ఆయనపై పవన్ ఫ్యాన్స్, జనసేన మద్దతుదారులు విరుచుకుపడ్డారు. ఢిల్లీలో ఆందోళనలు చేస్తున్న రైతులకు ప్రకాష్ రాజ్ తన మద్దతు ప్రకటించారు. రైతుల బాధల గురించి ఆయన మాట్లాడారు. దానిపై పూనమ్ ట్వీట్ చేసింది.
దీనిపై ప్రకాష్ రాజ్ సైతం స్పందించారు. వాళ్లు తమ అజెండా ప్రకారం అంతా చేస్తున్నారని ట్వీట్ చేశారు. తర్వాత పూనమ్ స్పందించారు. రాజకీయ అజెండాకు తాను కూడా బాధితురాలినే అని వ్యాఖ్యానించారు. పవన్ పేరెత్తకుండా ఆయనకు సంబంధించిన విషయంలో పూనమ్ వ్యాఖ్యలు చేయడం హాట్ టాపిక్ గా మారింది.