Chiranjeevi: మెగాస్టార్ చిరంజీవి ఈ మధ్య సోషల్ మీడియాలో తెగ యాక్టివ్ గా ఉంటున్నారు. తన దినచర్యలు, ప్రకృతి రమణీయతను పంచుకుంటూ ఫిదా చేస్తున్నారు. రోజూ వారీ జీవితంలో జరిగే అనుభూతులను పంచుకుంటున్నాడు.
తాజాగా ‘ఆచార్య’ మూవీ షూటింగ్ టైంలో జరిగిన ఒక ఘటనను ఆయన వీడియో తీసి సోషల్ మీడియాలో పెట్టడంతో వైరల్ అయ్యింది. చిరంజీవి, రాంచరణ్ హీరోలుగా నటిస్తున్న ‘ఆచార్య’ మూవీ ఈనెల 29న రిలీజ్ కు రెడీ అవుతోంది. ఈ క్రమంలోనే మెగా స్టార్ చిరంజీవి ఈ మూవీ ప్రమోషన్ చేపట్టారు. తాజాగా ప్రీ రిలీజ్ వేడుకను విజయవాడలో నిర్వహించేందుకు ఏర్పాట్లు చేస్తున్నారు. ఈ కార్యక్రమానికి సీఎం జగన్ ను ముఖ్య అతిథిగా ఆహ్వానించేందుకు రెడీ అయ్యారు.
ఇక ‘ఆచార్య’ సినిమా కోసం తన ట్విట్టర్ పేరును ‘చిరంజీవి కొణిదెల’ నుంచి ఆచార్యగా మార్చాడు చిరు. ఇదిప్పుడు వైరల్ అవుతోంది. ఇక ఆచార్య మూవీ షూటింగ్ టైంలో మేకప్ వేసుకుంటున్న రాంచరణ్ మూవీలోకి ఒక కోతి వచ్చి నిలబడి చూస్తూ రాంచరణ్ వైపు తదేకంగా చూస్తున్న వీడియోను చిరంజీవి పంచుకున్నారు.. ‘శ్రీ హనుమాన్’ అంటే సాగే పాటను జోడించి అందరికీ ‘హనుమాన్ జయంతి శుభాకాంక్షలను’ తెలిపారు.
ఇక మేకప్ వేసుకుంటున్న రాంచరణ్ కోతి రాగానే ఆపి బిస్కెట్లు తెప్పించి దానికి తినిపించాడు. ఈ వీడియోను చిరంజీవి హనుమాన్ నామస్మరణతో షేర్ చేశాడు. ఇలా ఆచార్య మూవీ ప్రమోషన్ ను పతాకస్థాయికి తీసుకెళ్లేందుకు చిరంజీవి వివిధ రకాలుగా ప్రయత్నిస్తున్నారు.
