Megastar Chiranjeevi: చిరంజీవి.. పరిచయం అక్కరలేని పేరు. ఐదు దశాబ్దాలుగా సినిమాల్లో హీరోగా నలిస్తున్నారు. ఐదు పదుల వయసు దాటినా కుర్ర హీరోలతో పోటీపడి హీరోగా నటిస్తున్నారు. తాజాగా ఆయన తీసిన వాల్తేరు వీరయ్య సంక్రాతికి విడుదల కానుంది. సినీ కార్మికుల కోసం చిత్రపురి కాలనీలో నిర్మించిన నూతన గృహ సముదాయాన్ని ఆయన గురువారం చిరంజీవి ప్రారంభించారు. ఈ సందర్భంగా ఆయన సంచలన కామెంట్స్ చేశారు. ‘‘సినిమా ఇండస్ట్రీలో పెద్దరికం అనుభవించాలనే ఉద్దేశం నాకు లేదు. నాకు ఏ కుర్చీపై ఆశ లేదు.. కళాకారుల సంక్షేమం కోసం మాత్రం ఎప్పుడూ ముందుంటా’ అని తెలిపారు.
బిజీ షెడ్యూల్లోనూ కార్మికుల కోసం వచ్చా..
‘‘సినిమా షూటింగ్స్, ఇతర కార్యక్రమాలతో ఈరోజు నేను కాస్త బిజీగా ఉన్నాను. దాంతో ఈ కార్యక్రమానికి రాలేనని చెబుదామనుకున్నా. సరిగ్గా 22 ఏళ్ల క్రితం ఇదే రోజున చిత్రపురి కాలనీకి శంకుస్థాపన జరిగిందని.. అందుకే ఇదే రోజున ఈ గృహ సముదాయాన్ని ప్రారంభించాలనుకుంటున్నామని చైర్మన్ అనిల్ దొరై చెప్పారు. ఆయన చెప్పిన మాట విన్నాక ఇందులో భాగం కావాలని నిర్ణయించుకున్నా. ప్రోగ్రామ్స్ అన్నీ వాయిదా వేసుకుని ఇక్కడికి వచ్చా. సినీ కార్మికులకు సైతం సొంత ఇల్లు ఉండాలనేది ఒక పెద్ద కల. ఆ కల సాకారం చేయడం కోసం కృషి చేసిన ప్రతి ఒక్కరికీ అభినందనలు. ఈ సందర్భంగా మనం డాక్టర్ ఎన్.ప్రభాకర్రెడ్డిని గుర్తు చేసుకుని ఆయనకు నివాళులు అర్పించాలి. ఆయన సుదీర్ఘ ఆలోచన నేడు సాకారమైంది’ అన్నారు.
అవసరం వచ్చినప్పుడు భుజం కాస్తా..
ఈ గృహ సముదాయాన్ని నిర్మించడం కోసం కమిటీని ఏర్పాటు చేయగా మధ్యలో ఏవో అవకతవకలు జరిగాయన్నారని చిరంజీవి గుర్తుచేశారు. అయతే దాని గురించి నాకు పూర్తి సమాచారం లేదని, దానిపై మాట్లాడనని తెలిపారు. అనిల్ దొరై సారథ్యంలోని కొత్త కమిటీ అన్ని పనులను సజావుగా పూర్తి చేసిందని సి.కల్యాణ్, తమ్మారెడ్డి తెలిపారు. డబుల్ బెడ్రూమ్ లబ్ధిదారులందరికీ శుభాకాంక్షలు. కార్మికులకు ఏ అవసరం వచ్చినా తాను ముందు ఉంటానని చిరంజీవి తెలిపారు. సి.కల్యాణ్, తమ్మారెడ్డి భరద్వాజ తనను ప్రతిసారీ పెద్ద అని చెబుతుంటారు. వాళ్లు నాకంటే చిన్నవాళ్లు అనిపించుకోవడం కోసం నన్ను పెద్ద అంటున్నారు అనడంతో సభలో నవ్వులు విరిశాయి. సినీ కార్మికులు, కళాకారులు తనకు కుటుంబసభ్యులతో సమానం అన్నారు. వాళ్లకు ఎప్పుడూ చేదోడు వాదోడుగా ఉంటాను. ఏ కష్టం వచ్చినా అండగా నిలబడతానని వివరించారు. భగవంతుడు నేను అనుకున్న దానికంటే ఎక్కువే ఇచ్చాడు. దానిలో కొంతభాగాన్ని ఏదో ఒకరకంగా కార్మికుల సంక్షేమం కోసం ఖర్చు చేస్తున్నా అనని తెలిపారు. ‘పెద్దరికం అనుభవించాలనే ఆలోచన నాకు లేదు. అవసరం వచ్చినప్పుడు తప్పకుండా భుజం కాస్తా’ అని మరోమారు స్పష్టం చేశారు.
