Transgender Success Story : ట్రాన్స్ జెండర్ అనగానే సమాజంలో ఎలాంటి భావన ఉంటుందో ప్రత్యేకంగా చెప్పనక్కర్లేదు. వారిని చాలా చిన్నచూపు చూస్తారు. కొందరి ట్రాన్స్ జెండర్లను వారి కుటుంబం సభ్యులు కూడా అర్థం చేసుకోవడం లేదు. దీంతో ఇంటి నుంచి బయటకు వచ్చే ట్రాన్స్ జెండర్లు నానా కష్టాలు అనుభవిస్తుంటారు. చీదరింపులు.. చీత్కారాలు.. అస్పృష్యత.. ఇంకా అనేకరకాల వేధింపులు ఎదుర్కొంటారు. అలానే ఓ హిజ్రను కూడా సమాజంతోపాటు తన కుటుంబం కూడా అర్ధం చేసుకోలేదు. ఎంతోమంది హేళన చేశారు. ఇవి భరించలేక చివరకు ప్రాణాలు తీసుకుందామనుకుంది. కానీ, చివరకు వైద్యురాలిగా మారి ప్రాణాలు పోస్తుంది. ఆమె ప్రాచీ రాథోడ్.
కుటుంబమే అర్థం చేసుకోలేదు..
ప్రాచీ రాథోడ్ ట్రాన్స్ జెండర్ కావడంతో సమాజమే కాదు.., కుటుంబం కూడా తనను అర్థం చేసుకోలేదు. ఇంట్లోంచి బయటకు వచ్చి నానాకష్టాలు అనుభవించింది. ఆత్మహత్యాయత్నం కూడా చేసింది. కానీ, గేలి చేసే వారి ముందు ఇంకా హేళనైపోతాననుకుంది. తనను తాను అర్థం చేసుకుని కష్టపడి చదివింది. ఇంటర్ తరువాత మెడికల్ సీటు సంపాదించింది. ఆదిలాబాద్ రిమ్స్ నుంచి డాక్టర్ పట్టాను పొందింది. ఇప్పుడు ఉస్మానియా ఆస్పత్రిలో ఏఆర్టీ విభాగంలో డాక్టర్గా వైద్యసేవలందించే స్థాయికి ఎదిగింది.
ఏడు నెలలుగా విధులు..
ఏడు నెలల క్రితం ఉస్మానియా ఆస్పత్రిలో విధుల్లో చేరింది. తాను ఇలా జనాల్లో కలిసి.. వారికి సేవలు చేస్తానని అనుకోలేదని ఆమె సంతోషం వ్యక్తం చేశారు. సమాజంలో అవమానాలు భరించలేక ఆత్మహత్యాయత్నంకి కూడా ప్రయత్నించానని తెలిపారు. తాను అందిస్తున్న సేవలకు గాను రోగులు ప్రశంసిస్తుంటే చాలా సంతోషంగా ఉందని ప్రాచీ రాథోడ్ తెలిపారు. వైద్య పట్టా అందుకోక ముందు తాను చాలా కష్టాలు అనుభవించానని తెలిపారు.
సమాజం మద్దతు కావాలి..
సమాజంలో తనలాంటి వారు చాలా మంది ఉన్నారని, బయటి వారు ఎలాంటి హేళన చేసిన కుటుంబ సభ్యుల మద్దతు ఉంటే.. ఆ బాధలను మర్చిపోతామన్నారు. తాను ఇంటర్కు వచ్చిన తరువాత హేళనలు ఇంకా ఎక్కువయ్యాయని పేర్కొంఒది. ఎంతలా అంటే అసలు నేను ఎందుకు బతకాలి… జీవించి ఏమి లాభం అనే స్థితికి వచ్చానని చెప్పింది.
బెగ్గింగ్ కోసమేనా…
ఇక ట్రాన్స్ జెండర్ అంటే కేవలం బెగ్గింగ్ కోసమే పుడతారా? అంటూ అనేక ప్రశ్నలు ప్రాచీ రాథోడ్ మదిని తొలచాయి. ఈక్రమంలోనే ఇంటర్లో ఉన్న సమయంలో ఆత్మహత్యయత్నం కూడా చేసుకుంది. సమాజంలో అవగాహన లేకపోవడం వలన రకరకాల పేర్లతో పిలవడం వంటి వాటితో చాలా ఇబ్బంది పడి ఆత్మహత్యాయత్నం చేసింది. కానీ, ఎంబీబీఎస్ లో సీటు రావడం అనేది దేవుడు నాకు ఇచ్చిన బహుమతి.
జాయినింగ్ రోజే విషయం చెప్పి..
ఇక ఆదిలాబాద్ రిమ్స్లో సీటు సాధించిన ప్రాచి రాథోడ్ కాలేజీలో చేరిన మొదటి రోజే తాను ట్రాన్స్ జెండర్ అనే విషయాని తోటి విద్యార్థులకు, ప్రొఫెసర్స్కి చెప్పింది. వాళ్లు చిన్న చూపు చూడకుండా ఆదరించారు. అభిమానం చూపారు. ఒకచోట ఉద్యోగం చేసిన సమయంలో తాను ట్రాన్స్ జెండర్ అని తెలిసి.. ఉద్యోగం నుంచి తొలిగించారు. మిత్రి క్లినిక్ వెళ్లడం ద్వారా ప్రాచి రాథోడ్ జీవితంలో మార్పులు చోటుచేసుకున్నాయి. అదే తన సెకండ్ లైఫ్ అని చెప్పొచ్చు. ప్రభుత్వం చొరవ తీసుకుంటే ఈ జెండర్ డిక్రిమినేషన్ తొలుగుతుంది అంటున్నారు ప్రాచి రాథోడ్ తెలిపారు.
