CM Revanth Reddy :
తెలంగాణ రాష్ట్రం అంతర్జాతీయ వేదికపై తన గొప్పతనాన్ని చాటింది. జపాన్లో జరిగిన ప్రతిష్ఠాత్మక ఒసాకా ఎక్స్పో 2025లో తెలంగాణ మొదటి భారతీయ రాష్ట్రంగా చరిత్ర సష్టించింది. ముఖ్యమంత్రి రేవంత్ రెడ్డి నేతత్వంలోని ‘తెలంగాణ రైజింగ్’ బృందం రాష్ట్ర సంస్కృతి. పరిశ్రమలు, పెట్టుబడి అవకాశాలను విశ్వవేదికపై విజయవంతంగా ప్రదర్శించింది.
అంతర్జాతీయ గుర్తింపు
ఒసాకా ఎక్స్పో ప్రతి ఐదేళ్లకు ఒకసారి జరిగే ప్రపంచస్థాయి వేడుక, ఇది దేశాలు, పరిశ్రమలు తమ నవీన ఆలోచనలను, సాంస్కృతిక వైవిధ్యాన్ని ప్రదర్శించే వేదిక. 2025 ఎడిషన్లో ‘మన జీవనానికి భవిష్య సమాజ రూపకల్పన’ అనే థీమ్తో ఏప్రిల్ 13 నుంచి ఆరు నెలల పాటు జపాన్లోని యుమేషిమాలో ఈ ఎక్స్పో జరుగుతోంది. ఈ ఏడాది తెలంగాణ భారత పెవిలియన్లో ప్రత్యేక ‘తెలంగాణ జోన్’ ఏర్పాటు చేసి, సీఎం రేవంత్ రెడ్డి ఏప్రిల్ 21న దీనిని ఘనంగా ప్రారంభించారు.
Also Read : సీఎం రేవంత్ రెడ్డికి తృటిలో తప్పిన ప్రమాదం
తెలంగాణ పెవిలియన్..
తెలంగాణ పెవిలియన్లో రాష్ట్ర సాంస్కృతిక వారసత్వం, పర్యాటక ఆకర్షణలు, సాంకేతిక పురోగతి అద్భుతంగా ప్రదర్శించబడ్డాయి. చార్మినార్, గోల్కొండ కోట, కాకతీయ స్థాపత్యం వంటి సాంస్కృతిక చిహ్నాలతోపాటు, హైదరాబాద్లోని ఐటీ హబ్, ఫార్మా, ఎలక్ట్రానిక్స్, గ్రీన్ ఎనర్జీ వంటి పరిశ్రమల అభివృద్ధి వివరాలు ఆకట్టుకున్నాయి. అంతర్జాతీయ ఎక్స్పో మ్యాగజైన్లలో ప్రచురితమయ్యే ఈ పెవిలియన్ రాష్ట్రానికి శాశ్వత గుర్తింపును తెచ్చిపెట్టనుంది.
పెట్టుబడుల ఆకర్షణలో రికార్డు
సీఎం రేవంత్రెడ్డి జపాన్ పర్యటనలో రూ.12 వేల కోట్లకు పైగా పెట్టుబడి ఒప్పందాలు కుదిరాయి. ఎన్టీటీ డేటా, నెసా కంపెనీలు హైదరాబాద్లో రూ.10,500 కోట్లతో ఏఐ డేటా సెంటర్ క్లస్టర్ ఏర్పాటు చేయనున్నాయి. టోషిబా కార్పొరేషన్ రూ.562 కోట్లతో రుద్రారం వద్ద కొత్త ఫ్యాక్టరీ నిర్మాణానికి ఒప్పందం చేసింది. అదనంగా, ఎకో టౌన్ ప్రాజెక్టు కోసం జపాన్కు చెందిన ఎక్స్ రీసెర్చ్ ఇన్స్టిట్యూట్, నిప్పాన్ స్టీల్ ఇంజనీరింగ్ వంటి కంపెనీలతో లెటర్స్ ఆఫ్ ఇంటెంట్ (ఎల్ఓఐ)లు కుదిరాయి.
సస్టైనబుల్ డెవలప్మెంట్పై ఫోకస్
రేవంత్ రెడ్డి జపాన్లోని కిటాక్యూషు గ్రీన్ సిటీని సందర్శించి, సస్టైనబుల్ డెవలప్మెంట్ మోడల్ను అధ్యయనం చేశారు. హైదరాబాద్ సమీపంలో 30,000 ఎకరాల్లో నిర్మితమవుతున్న ‘ఫ్యూచర్ సిటీ’లో ఈ నమూనాను అమలు చేయాలని ప్రణాళిక వేశారు. ఈ ప్రాజెక్టులో జపాన్కు చెందిన మారుబెని కార్పొరేషన్తో కలిసి ఇండస్ట్రియల్ పార్క్ ఏర్పాటు చేయనున్నారు. ఈ సిటీలో ఈ–మొబిలిటీ, సర్కులర్ ఎకానమీ, గ్రీన్ ఎనర్జీ వంటి ఆధునిక టెక్నాలజీలకు ప్రాధాన్యత ఇవ్వనున్నారు.
జపాన్–తెలంగాణ సంబంధాలకు కొత్త ఊపు
సీఎం రేవంత్ రెడ్డి ఒసాకా ఎక్స్పోలో జపాన్ వ్యాపారవేత్తలతో నిర్వహించిన రౌండ్టేబుల్ సమావేశంలో తెలంగాణ బిజినెస్–ఫ్రెండ్లీ విధానాలను వివరించారు. ‘‘తెలంగాణ అభివద్ధి చెందుతున్న రాష్ట్రం. ఇక్కడ పెట్టుబడులకు అన్ని వనరులు, స్థిరమైన పాలన, ప్రపంచ స్థాయి మౌలిక సదుపాయాలు అందుబాటులో ఉన్నాయి,’’ అని ఆయన హామీ ఇచ్చారు. జపాన్ రాయబారి సీబీ జార్జ్, జెట్రో బెంగళూరు ప్రతినిధి తోషిహిరో మిజుటానితో జరిగిన చర్చలు రాష్ట్రానికి దీర్ఘకాలిక భాగస్వామ్యానికి దోహదం చేయనున్నాయి.
ఒసాకా ఎక్స్పో 2025లో తెలంగాణ పాల్గొనడం రాష్ట్రానికి అంతర్జాతీయ గుర్తింపును తెచ్చిపెట్టింది. సీఎం రేవంత్ రెడ్డి నాయకత్వంలో రాష్ట్రం తన సాంస్కృతిక వైవిధ్యం, పారిశ్రామిక శక్తిని ప్రపంచానికి చాటింది. ఈ విజయం తెలంగాణను పెట్టుబడులు, ఆవిష్కరణలు, సస్టైనబుల్ డెవలప్మెంట్లో అగ్రగామిగా నిలపనుంది.
ప్రధాన ఒప్పందాలు:
ఎన్టీటీ డేటా, నెసా: రూ.10,500 కోట్ల ఏఐ డేటా సెంటర్.
టోషిబా: రూ.562 కోట్ల ఫ్యాక్టరీ నిర్మాణం.
ఎకో టౌన్: జపాన్ కంపెనీలతో ఎల్ఓఐలు.
ఫ్యూచర్ సిటీ: మారుబెని కార్పొరేషన్తో ఇండస్ట్రియల్ పార్క్.
Also Read : గులాబీ తుఫాను రాగం… కేటీఆర్ రాజకీయ జోష్యం
