తెలంగాణలో రాష్ట్రంలో వైద్య, ఆరోగ్యశాఖ ఆదివారం విడుదల చేసిన బులిటెన్ ప్రకారం.. గడిచిన 24 గంటల్లో కొత్తగా 472 కరోనా కేసులు నమోదయ్యాయి. నిన్న ఒక్కరోజే ఇద్దరు మృతి చెందారు. దీంతో ఇప్పటి వరకు కేసుల సంఖ్య 2,84,863గా ఉంది. ఇక మరణాల సంఖ్య 1,531గా ఉన్నట్లు బులిటెన్లో పేర్కొంది. ఇక ఇప్పటి వరకు 2,76,753 మంది కోలుకోగా ప్రస్తుతం 6,579యాక్టివ్ కేసులు ఉన్నాయి. వీరిలో 4,424 మంది ఇంట్లో చికిత్స పొందుతున్నారు. కాగా రాష్ట్రంలో 24 గంటల్లో 37,347 పరీక్షలు నిర్వహించగా ఇప్పటి వరకు పరీక్షల సంఖ్య 67,23,710కి చేరింది.
