Chandrayaan 3: జాబిల్లి దిశగా ప్రయాణం సాగిస్తున్న చంద్రయాన్_3 కీలక మైలు రాయిని అధిగమించింది. ప్రొపల్షన్ మాడ్యూల్ నుంచి విడిపోయిన ల్యాండర్ మాడ్యూల్ ను చంద్రుడికి మరింత చేరువ చేయడంలో భాగంగా శుక్రవారం సాయంత్రం చేపట్టిన వేగం తగ్గింపు ప్రక్రియ విజయవంతమైంది. అయినప్పటికీ ల్యాండర్ మాడ్యూల్ పనితీరు సక్రమంగానే ఉండటం ఇస్రో పనితీరుకు మెచ్చుతునక అని చెప్పుకోవచ్చు.ఈ మాడ్యూల్ కు “డీ బూస్టింగ్” ఆపరేషన్ విజయవంతంగా ముగిసింది. ఈ ప్రక్రియ దాని కక్ష్యను 157 కిలోమీటర్ల వేగం నుంచి 113 కిలోమీటర్ల కు తగ్గించింది. విక్రమ్ ల్యాండర్, ప్రగ్యాన్ రోవర్ తో కూడిన ల్యాండర్ మాడ్యూల్ కు భారత కాలమాన ప్రకారం ఈనెల 20 తేది వేకువజాము రెండు గంటల సమయంలో రెండవసారి డీ బూస్టింగ్ ఆపరేషన్ నిర్వహిస్తామని ఇస్రో ట్విట్టర్ వేదికగా ప్రకటించింది. అంతా అనుకున్నట్టు జరిగితే ఈనెల 23 సాయంత్రం 5 గంటల 47 నిమిషాలకు చంద్రుడి దక్షిణ ధ్రువం పై లాండర్ ను సాఫ్ట్ లాండింగ్ చేసేందుకు ఇస్రో సన్నాహాలు చేస్తోంది.
ఇక ల్యాండర్ మాడ్యూల్ జాబిల్లి ఉపరితలంపై తీసిన తొలి చిత్రాలను భూమి పైకి పంపింది. దీనికి సంబంధించిన వీడియోను ఇస్రో ట్విట్టర్లో పోస్ట్ చేసింది. ప్రొపల్షన్ మాడ్యుల్ నుంచి విడిపోయిన కాసేపటికే ల్యాండర్ మాడ్యూల్ ఈ వీడియో తీసినట్టు తెలుస్తోంది. ఈ చిత్రాల్లో జాబిల్లి ఉపరితలంపై ఉన్న బిలాలు స్పష్టంగా కనిపిస్తున్నాయి. వాటిలో ఫ్యాబ్రి, గియార్డోనో బ్రునో, హర్కేబీజే తదితర బిలాల పేర్లను ఇస్రో వెల్లడించింది. గియార్డోనో బ్రునో జాబిల్లిపై ఇటీవల గుర్తించిన అతిపెద్ద బిలాల్లో ఒకటి. హర్కేబీజే బిలం 43 కిలోమీటర్ల వ్యాసంలో ఉన్నట్టు తెలుస్తోంది. అలాగే చంద్రయాన్_3 వ్యోమ నౌక తన ల్యాండరీ పొజిషన్ డిటెక్షన్ కెమెరా ( ఎల్ పీ డీ సీ) ను ఉపయోగించి ఈనెల 15న తీసిన జాబిలికి సంబంధించిన అద్భుతమైన చిత్రాలతో కూడిన వీడియోను కూడా ఇస్రో షేర్ చేసింది.
కాగా చంద్రుడి దక్షిణ ధృవం లక్ష్యంగా చంద్రయాన్_3 ప్రయోగాన్ని ఇస్రో చేపట్టింది. చంద్రయన్_2 ప్రయోగం జరిపినప్పుడు ఎదురైన వైఫల్యాలను అధిగమించేందుకు పకడ్బందీ ప్రణాళికతో ఇస్రో ఈ ప్రయోగాన్ని చేపట్టింది. ఇస్రో అనుకున్నట్టుగానే చంద్రయాన్_3 గమనం సాగుతోంది. 20వ తేదీన జరిగే డీ బూస్టింగ్ ద్వారా చంద్రుడికి సంబంధించిన మరిన్ని విషయాలు వెలుగులోకి వస్తాయని ఇస్రో భావిస్తోంది. గతంలో చంద్రుడి మీద నీటి జాడలను కనుగొన్న ఇస్రో.. ఈసారి ఏ విషయాలను వెలుగులోకి తెస్తుందోనని ప్రపంచం మొత్తం ఆసక్తిగా గమనిస్తోంది.
Chandrayaan-3 Mission:
View from the Lander Imager (LI) Camera-1
on August 17, 2023
just after the separation of the Lander Module from the Propulsion Module #Chandrayaan_3 #Ch3 pic.twitter.com/abPIyEn1Ad— ISRO (@isro) August 18, 2023
Chandrayaan-3 Mission:
The Lander Module (LM) health is normal.LM successfully underwent a deboosting operation that reduced its orbit to 113 km x 157 km.
The second deboosting operation is scheduled for August 20, 2023, around 0200 Hrs. IST #Chandrayaan_3#Ch3 pic.twitter.com/0PVxV8Gw5z
— ISRO (@isro) August 18, 2023
