Vaibhav Suryavanshi Vs Bumrah: బుమ్రా బౌలింగ్ లో తోపు బ్యాటర్లు కూడా బ్యాటింగ్ చేయడానికి భయపడతారు. అతడు వేసే బంతులు వేగంగా దూసుకు వస్తాయి. ఫుల్లర్ లెంగ్త్, యార్కర్, స్లోయర్ వన్ లు బ్యాటర్లకు నిద్ర లేకుండా చేస్తాయి. అటువంటి బుమ్రా బౌలింగ్ లో స్వేచ్ఛగా బ్యాటింగ్ చేయడం చాలా కష్టం. అటువంటిది బుమ్రా బౌలింగ్ లో 15 ఏళ్ల బుడ్డోడు వైభవ్ సూర్యవంశీ ఊచకోత కోశాడు.
Also Read: ఏబీఎన్ రాధాకృష్ణ వ్యాఖ్యలు తప్పు.. వైసిపి చేసింది అంతకంటే తప్పు
వర్షం కురిసి.. ఆగిపోయిన తర్వాత గౌహతిలో మ్యాచ్ నిర్వహణకు అంపైర్లు ముందుకు వచ్చారు. హార్దిక్ పాండ్యా టాస్ నెగ్గి ముందు బంతి అందుకున్నాడు . అది చాలా తప్పుడు నిర్ణయమని రాజస్థాన్ బ్యాటర్లు యశస్వి జైస్వాల్, వైభవ్ సూర్యవంశీ ఊచకోత కోశారు.
11 ఓవర్ల మ్యాచ్ లో ప్రారంభం నుంచే ఎదురుదాడికి దిగారు. మూడు ఓవర్లలోనే 58 పరుగులు చేశారు. దీపక్ చాహర్ తొలి ఓవర్ లో 22 పరుగులు ఇచ్చాడు. బుమ్రా బౌలింగ్ లో 14 పరుగులు వచ్చాయి. బౌల్ట్ బౌలింగ్ లో ఒకే ఓవర్ లో 22 పరుగులు వచ్చాయి.
తొలి ఓవర్ లో చాహర్ 22 పరుగులు ఇచ్చిన నేపథ్యంలో హార్దిక్ పాండ్యా బంతిని బుమ్రాకు అందించాడు. అతడి బౌలింగ్ ను సూర్యవంశీ వదలలేదు. తొలి బంతిని ఫుల్లర్ లెంగ్త్ గా జస్ ప్రీత్ వేశాడు. వైభవ్ మరో మాటకు తావు లేకుండా దానిని స్టాండ్స్ లోకి పంపించాడు సూర్యవంశీ. రెండో బంతికి సింగిల్ తీశాడు సూర్యవంశీ. మూడో బంతికి సింగిల్ తీసి ఇచ్చాడు జైస్వాల్. నాలుగో బంతిని స్లోయర్ వన్ గా వేశాడు. ఆ బంతిని సూర్యవంశీ సిక్సర్ కొట్టాడు.
బుమ్రా బౌలింగ్ లో ఇలా సూర్యవంశీ రెండు సిక్సర్లు కొట్టడంతో గౌహతి మైదానం హోరెత్తిపోయింది. మహామహా బ్యాటర్లు కూడా బుమ్రా బౌలింగ్ లో ఆడేందుకు ఇబ్బందిపడతారు. కానీ సూర్యవంశీ కనీసం భయపడలేదు. స్వేచ్ఛగా బ్యాటింగ్ చేశాడు. అతడు కొట్టిన వేగాన్ని చూసి బుమ్రా కూడా అవాక్కయ్యాడు.
