World Cup 2023: క్రికెట్ లవర్స్ ఎప్పుడెప్పుడా అని ఎదురు చూస్తున్న వన్డే ప్రపంచకప్ 2023. మరో రెండురోజుల్లో ప్రారంభం కానుంది. అక్టోబర్ 5 నుంచి నవంబర్ 19 వరకూ జరిగే టోర్నీకు ఐసీసీ కొత్తగా మూడు నిబంధనలు సిద్ధం చేసింది. ఈ కొత్త రూల్స్తో క్రికెట్ అభిమానులకు మరింత కిక్ వస్తుందని ఐసీసీ పేర్కొంటోంది. ఆ నిబంధనల గురించి తెలుసుకుందాం..
నో సాఫ్ట్ సిగ్నల్ రూల్
ప్రపంచకప్కు ముందే అంపైరింగ్ నియమాన్ని మార్చారు. ఐసీసీ సాఫ్ట్ సిగ్నల్ నిబంధనను రద్దు చేసింది. అంటే అంపైర్ ఏదైనా వికెట్ కోసం థర్డ్ అంపైర్ సహాయం తీసుకోవాలనుకుంటే మొదటి అంపైర్తో మాట్లాడి అప్పుడు తన నిర్ణయాన్ని థర్డ్ అంపైర్కు చెప్పాలి. ఈ పరిస్థితుల్లో థర్డ్ అంపైర్ వికెట్ సరిగ్గా పరిశీలించలేకపోతే గ్రౌండ్లో అంపైర్ నిర్ణయం ఫైనల్ అవుతుంది. ఇది వివాదాస్పదం కావడంతో రద్దు చేశారు. ఇకపై ఫుటేజ్ ఆధారంగా నిర్ణయం తీసుకుంటారు.
బౌండరీ కౌంట్ రూల్ రద్దు
2019 ప్రపంచకప్ తరువాత ఐసీసీ ఈ నిబంధన చర్చకొచ్చింది. న్యూజిలాండ్–ఇంగ్లండ్ మధ్య జరిగిన ఫైనల్ మ్యాచ్లో బౌండరీ కౌంట్ ఆధారంగా ఇంగ్లండ్ను విజేతగా నిలిపారు. ఈ నిబంధన ప్రకారం మ్యాచ్ టై అయితే సూపర్ ఓవర్ ఉంటుంది. సూపర్ ఓవర్ కూడా టై అయితే బౌండరీ కౌంట్ ఆధారంగా విజేతను నిర్ణయిస్తారు. ఇక ఈ నిబంధన ప్రపంచకప్లో కన్పించదు. మ్యాచ్ డిసైడ్ అయ్యేంత వరకూ సూపర్ ఓవర్లు ఆడాల్సిందే.
బౌండరీ 70 మీటర్లు..
ప్రపంచకప్ చరిత్రలో తొలిసారిగా కొన్ని వేదికలకు ఐసీసీ బౌండరీ నిబంధనలు సెట్ చేసింది. దీని ప్రకారం స్డేడియంలో 70 మీటర్ల కంటే తక్కువ ఉండకూడదు, ఎక్కువే ఉండాలి. అంటే బౌండరీ పరిధిని 70 మీటర్లకు తక్కువ కాకుండా ఉండేలా చూసుకోవాలి.
