Uae Vs New Zealand T20 World Cup: టి20 వరల్డ్ కప్ లో చెన్నై వేదికగా యూఏఈ జట్టుతో జరిగిన మ్యాచ్లో న్యూజిలాండ్ ప్రపంచ రికార్డు సాధించింది. 175 పరుగుల లక్ష్యాన్ని ఒక వికెట్ కూడా కోల్పోకుండా సాధించింది. తద్వారా పురుషుల టి20 వరల్డ్ కప్ లో అనితర సాధ్యమైన ఘనతను అందుకుంది. న్యూజిలాండ్ సాధించిన ఈ రికార్డు గొప్పదే అయినప్పటికీ.. అంతకుమించిన స్థాయిలో కివీస్ వరల్డ్ రికార్డ్ సృష్టించింది.
2020 సంవత్సరంలో మౌంట్ మౌంగనూయ్ వేదికగా వెస్టిండీస్ జట్టుతో జరిగిన మ్యాచ్లో న్యూజిలాండ్ బ్యాటర్లు డేవిడ్ కాన్వే, ఫిలిప్స్ 184 పరుగుల భాగస్వామ్యం నెలకొల్పారు. టి20 చరిత్రలో న్యూజిలాండ్ తరఫున ఇది హైయెస్ట్ రికార్డ్. 2016లో మార్టిన్ గఫ్టిల్, విలియంసన్ పాకిస్తాన్ జట్టుపై 171* పరుగుల భాగస్వామ్యం నమోదు చేశారు.
టి20 వరల్డ్ కప్ లో 10 వికెట్ల విజయాలు
2007లో కేప్ టౌన్ వేదికగా శ్రీలంకతో జరిగిన మ్యాచ్ లో ఆస్ట్రేలియా 10 వికెట్ల తేడాతో విజయం సాధించింది.
2012లో హంబంటోటా వేదికగా జరిగిన మ్యాచ్లో జింబాబ్వే మీద సౌత్ ఆఫ్రికా 10 వికెట్ల తేడాతో గెలుపు అందుకుంది.
2021లో ఆల్ అమేరాట్ వేదికగా పప్పుగా న్యూగీనియా జట్టు తో జరిగిన మ్యాచ్లో ఒమన్ 10 వికెట్ల తేడాతో విజయం సాధించింది.
2021లో దుబాయ్ వేదికగా జరిగిన మ్యాచ్లో ఇండియా పై పాకిస్తాన్ 10 వికెట్ల తేడాతో ఘనవిజయం సాధించింది.
2022లో అడిలైడ్ వేదికగా జరిగిన మ్యాచ్లో ఇండియా పై ఇంగ్లాండ్ పది వికెట్ల తేడాతో ఘనవిజయం అందుకుంది.
2024లో బ్రిడ్జ్ టౌన్ వేదికగా అమెరికాలో జరిగిన మ్యాచ్లో ఇంగ్లాండ్ పది వికెట్ల తేడాతో గెలుపును సాధించింది.
2026 లో చెన్నై వేదికగా యునైటెడ్ అరబ్ ఎమిరేట్స్ జట్టుతో జరిగిన మ్యాచ్లో న్యూజిలాండ్ 150 కంటే ఎక్కువ పరుగుల లక్ష్యాన్ని ఒక్క వికెట్ కూడా కోల్పోకుండా సాధించింది.
2024 లో నార్త్ సౌండ్ వేదికగా ఒమన్ జట్టుతో జరిగిన మ్యాచ్ లో స్కాట్లాండ్ 151 పరుగుల లక్ష్యాన్ని మరో 41 బంతులు మిగిలి ఉండగానే చేసింది.
ఐర్లాండ్ జట్టుతో జరిగిన మ్యాచ్లో నెదర్లాండ్ 190 పరుగుల లక్ష్యాన్ని 37 బంతులు మిగిలి ఉండగానే పూర్తి చేసింది. 2014లో ఈ మ్యాచ్ జరిగింది.
ఒక వికెట్ కూడా కోల్పోకుండా
పురుషులు టి20 లలో ఒక్క వికెట్ కూడా కోల్పోకుండా 150 కంటే ఎక్కువ లక్ష్యాలను చేదించిన జాబితాలో పాకిస్థాన్ ముందు వరుసలో ఉంది.
2022లో కరాచీ వేదికగా ఇంగ్లాండ్ జట్టుతో జరిగిన మ్యాచ్లో పాకిస్తాన్ 200 పరుగుల లక్ష్యాన్ని విజయవంతంగా పూర్తి చేసింది…
2026లో చెన్నై వేదికగా యూఏఈ జట్టుతో జరిగిన మ్యాచ్లో న్యూజిలాండ్ 174 పరుగుల లక్ష్యాన్ని వికెట్ కోల్పోకుండా పూర్తి చేసింది.
2016లో హామీల్టన్ వేదికగా పాకిస్థాన్ జట్టుతో జరిగిన మ్యాచ్లో న్యూజిలాండ్ ఒక్క వికెట్ కూడా కోల్పోకుండా 169 లక్ష్యాన్ని పూర్తి చేసింది.
2022లో ఆడిలైట్ వేదికగా ఇండియాతో జరిగిన మ్యాచ్లో ఇంగ్లాండ్ 169 పరుగుల లక్ష్యాన్ని వికెట్ కోల్పోకుండా పూర్తి చేసింది.
2024 లో హరారే వేదికగా జింబాబ్వే జట్టుతో జరిగిన మ్యాచ్లో ఇండియా 153 పరుగుల లక్ష్యాన్ని వికెట్ కోల్పోకుండా పూర్తి చేసింది.
2021లో దుబాయ్ వేదికగా ఇండియాతో జరిగిన మ్యాచ్లో పాకిస్తాన్ 152 పరుగుల లక్ష్యాన్ని ఒక వికెట్ కూడా కోల్పోకుండా విజయవంతంగా పూర్తి చేసింది.
