మొదట వెనుకంజ వేసినా తరువాత కళ్లు చెదిరే ఓ స్మాష్ తో ఆధిక్యాన్ని అందుకుంది. తరువాత అదే జోరు కొనసాగించి లీడ్ ను 11-7కు పెంచుకుంది. విరామం అనంతరం సింధు జోరు కనబరచగా యమగూచి సైతం దీటుగా బదులిచ్చింది. వరుస షాట్లతో దూసుకెళ్లిన సింధు 18-11తో ఆధిక్యం సాధించింది. తరువాత యమగూచి రెండు పాయింట్లు సాధించినా సింధు 21-13 గేమ్ ను 23 నిమిషాల్లో ముగించింది.
సెకండ్ గేమ్ లో ఇద్దరు హోరాహోరీగా తలపడినా సర్వీస్ అందుకున్న సింధు 5-3తో లీడ్ సాధించింది. అనంతరం సింధు జోరు కనబర్చగా యమగూచి అనవసర తప్పిదాలతో 10-5తో వెనకబడిపోయింది. అదే జోరులో మరో నాలుగు పాయింట్లు సాధించి 14-8 లీడ్ లో నిలిచింది. కానీ తరువాత జోరు పెంచిన యమగూచి సింధు చేసిన తప్పిదాలను క్యాచ్ చేసుకుంటూ వరుస పాయింట్లతో స్కోర్లు 16-16తో సమం చేసింది.
అనంతరం ఇద్దరు హోరాహోరీగా తలపడడంతో స్కోర్లు 20-20తో సమంగా నిలిచారు. కానీ చివర్లో రెండు పాయింట్లు కొట్టిన సింధు 22-20 తో ఆటతో పాటు మ్యాచ్ ను సొంతం చేసుకుని సెమీఫైనల్ దూసుకెళ్లింది. రియో ఒలింపిక్స్ లో రజతం సాధించిన సింధు టోక్యోలో మరొకటి గెలిస్తే ఓ మెడల్ సొంతం చేసుకోనుంది. తాజా విజయంతో యమగూచిత ఉన్న ముఖాముఖి పోరును సింధు 12-18తో మెరుగుపరుచుకుంది.
