Ravichandran Ashwin retirement : సరిగ్గా గత ఏడాది బోర్డర్ గవాస్కర్ ట్రోఫీ జరుగుతున్నప్పుడు రవిచంద్రన్ అశ్విన్ సుదీర్ఘ ఫార్మాట్ నుంచి శాశ్వత వీడుకోలు పలుకుతున్నట్టు ప్రకటించాడు. దీంతో అన్ని ఫార్మాట్ల నుంచి అతడు తప్పుకున్నాడు. అయితే ఇండియన్ ప్రీమియర్ లీగ్ లో మాత్రం అతడు చెన్నై జట్టుకు ఆడుతున్నాడు. తమిళనాడు ప్రీమియర్ లీగ్ లో కూడా ఆడుతున్నాడు. అయితే ఇప్పుడు ఐపీఎల్ విషయంలో రవిచంద్రన్ అశ్విన్ కీలక నిర్ణయం తీసుకున్నాడు. ఐపీఎల్ నుంచి రిటైర్మెంట్ తీసుకుంటున్నట్టు వెల్లడించాడు.
నా ప్రయాణం ముగిసింది
“ఐపీఎల్ లో ఆటగాడిగా నా ప్రయాణం ఈరోజు ముగిసింది. కానీ వివిధ లీగ్ లో ఎక్స్ ఫ్లోరర్ గా నా సమయం మొదలైంది. ఇంతకాలం వండర్ఫుల్ మెమోరీస్ మిగిల్చిన అన్ని ఫ్రాంచైజీలు ఐపీఎల్, బిసిసిఐ కి థాంక్స్. భవిష్యత్తును ఆస్వాదించడానికి ఆసక్తిగా ఎదురు చూస్తున్నానని” రవిచంద్రన్ అశ్విన్ ట్విట్టర్లో పేర్కొన్నాడు..
ఎందుకు ఈ నిర్ణయం
జాతీయ జట్టుకు శాశ్వత వీడుకోలు పలికినప్పటికీ.. క్రికెట్ లీగ్ లో మాత్రం రవిచంద్రన్ ఆడుతున్నాడు. వాస్తవానికి కొంతకాలంగా అతని ప్రదర్శన అంత గొప్పగా లేదు. బౌలింగ్ లయ తప్పింది. బ్యాటింగ్ అంతంత మాత్రం గానే ఉంది. బౌలింగ్లో అంతగా ఆకట్టుకోలేకపోతున్నాడు. దీంతో రవిచంద్రన్ ఈ నిర్ణయం తీసుకున్నట్టు తెలుస్తోంది. ఇటీవల ఐపీఎల్ ఆడినప్పుడు తమిళనాడు తరఫున అతడు గొప్పగా చెప్పుకునే ప్రదర్శన చేయలేకపోయాడు. దీంతో అతనికి వాస్తవం అర్థమైంది. మరోవైపు తమిళనాడు ప్రీమియర్ లీగ్ లో కూడా అతడు అంతగా ఆకట్టుకోలేకపోయాడు. ఈ నేపథ్యంలో అతడు ఈ నిర్ణయం తీసుకున్నట్టు తెలుస్తోంది.. అయితే త్వరలో అతడు వ్యాఖ్యాతగా అవతారం ఎత్తుతాడని సమాచారం. పైగా తన యూట్యూబ్ ఛానల్ ద్వారా క్రికెట్ విషయాలను ఎప్పటికప్పుడు రవిచంద్రన్ అశ్విన్ పంచుకుంటున్నాడు. రవిచంద్రన్ అశ్విన్ తన రిటైర్మెంట్ గురించి ట్వీట్ చేసిన నేపథ్యంలో.. అతడి సహచరులు.. ఇతర ప్లేయర్లు మలి జీవితం బాగుండాలని శుభాకాంక్షలు తెలియజేస్తున్నారు.
Special day and hence a special beginning.
They say every ending will have a new start, my time as an IPL cricketer comes to a close today, but my time as an explorer of the game around various leagues begins today.
Would like to thank all the franchisees for all the…
— Ashwin (@ashwinravi99) August 27, 2025
