Dhoni IPL 2026: గడచిన నాలుగు సంవత్సరాలుగా ఇదే వార్త. ధోని ఆడడు. ఆడలేడు. ఈ సీజన్ తో అతడు రిటైర్మెంట్ ప్రకటిస్తాడు.. వీడ్కోలు పలికిన తర్వాత చెన్నై జట్టుతో ఏదో ఒక రూపంలో తన ప్రయాణం కొనసాగిస్తాడు.. ఇదే తీరుగా ప్రచారం జరుగుతూనే ఉంది. దీనిని ధోని ఇంతవరకు ఖండించలేదు. అలాగని స్వాగతించలేదు. చెన్నై మేనేజ్మెంట్ కూడా ధోని రిటర్మెంట్ పై ఒక స్పష్టమైన ప్రకటన చేయలేదు. చర్విత చరణంలాగా ధోని రిటైర్మెంట్ కు సంబంధించిన వార్త ఏదో ఒక రూపంలో అటు మీడియాను.. ఇటు సోషల్ మీడియాను ఊపేస్తోంది.
తాజాగా జాతీయ మీడియాలో కూడా ధోని రిటర్మెంట్ కు సంబంధించిన వార్త ఒకటి విపరీతంగా ప్రచారంలో ఉంది. అయితే ఇందులో చేసిన విశ్లేషణ మాత్రం వాస్తవానికి దగ్గరగా ఉంది. ప్రస్తుతం ధోనీ వయసు 40+.. ఇంతటి వయసులో క్రికెట్ ఆడటం అంత సులభం కాదు. అది కూడా టి20 ఫార్మాట్ ఆడటం అంత ఈజీ కాదు. పైగా ధోని కి అనారోగ్య సమస్యలు ఉన్నాయి. వెన్నెముక నొప్పితో ఇబ్బంది పడుతున్నాడు. గత సీజన్లోనే అతడు వికెట్ల మధ్య పరుగులు తీయడానికి ఇబ్బంది పడ్డాడు. దీంతో ధోని రిటైర్మెంట్ తప్పదని వార్తలు వచ్చాయి. అయితే దీనిపై ధోని పరోక్షంగా స్పందించాడు. తాను స్ట్రెచర్ మీద ఉన్నప్పటికీ కూడా చెన్నై యాజమాన్యం తీసుకొచ్చి.. క్రికెట్ ఆడిస్తుందని చమత్కరించాడు.
Also Read: విరాట్ దేశముదురు.. జట్టు నుంచి తొలగించండి.. అప్పుడే కథ మొదలైంది
అయితే ఇప్పుడు ధోని 8 లేదా 9వ స్థానంలో బ్యాటింగ్ కు వచ్చే అవకాశం ఉందని తెలుస్తోంది. గైక్వాడ్ పూర్తి ఫిట్ గా ఉన్నాడు. అతడు ఈసారి జట్టును అత్యంత సమర్థవంతంగా నడిపించాలని బలమైన నిర్ణయంతో ఉన్నాడు. ప్లేయర్లు కూడా అదే స్థాయిలో కృత నిశ్చయంతో ఉండడంతో ఈసారి చెన్నై జట్టు ప్రత్యర్థులకు బలమైన పోటీ ఇచ్చే అవకాశం కనిపిస్తోంది. అయితే తనకు 40 కి మించిన వయసు ఉండడంతో ధోని ఇదే తన చివరి సీజన్ అని సన్నిహితుల వద్ద వ్యాఖ్యానించినట్టు తెలుస్తోంది. దీనిపై కొన్ని జాతీయ మీడియా సంస్థలు వార్తలను ప్రసారం చేస్తున్నాయి. అయితే ఇంతవరకు ఈ విషయంపై ధోని అధికారికంగా ఎటువంటి ప్రకటన చేయలేదు. అయితే 2024లో సారధి మార్పును చెన్నై జట్టు చివరి వరకు ప్రకటించలేదు. డిపెండింగ్ ఛాంపియన్ హోదాలో చెన్నై జట్టు బరిలోకి దిగడానికి ముందు ధోని కీలక నిర్ణయాన్ని వెల్లడించాడు. సారధిగా తాను తప్పుకుంటున్నట్టు ప్రకటించాడు. ఇప్పుడు కూడా ధోని అటువంటి సంచలన ప్రకటన చేసే అవకాశం ఉందని వార్తలు వినిపిస్తున్నాయి. ధోని రిటైర్మెంట్ పై క్లారిటీ రావాలంటే.. మరికొద్ది రోజులు ఎదురు చూడక తప్పదు.
