మోహన్ లాల్ అద్భుతమైన నటుడు మాత్రమే కాదు.. అంతకుమించిన ఫుట్ బాల్ అభిమాని కూడా. అతడికి మెస్సి అంటే చాలా ఇష్టం. అతడి ఆట అంటే వల్ల మాలిన అభిమానం. చదువుకునే రోజుల్లో మోహన్ లాల్ ఫుట్ బాల్ ఆడేవారు. అప్పటినుంచి ఆ క్రీడ అంటే ఆయనకు ఆసక్తి పెరిగింది. మరోవైపు కేరళ రాష్ట్రంలో యువత క్రికెట్ మాత్రమే కాదు, ఫుట్ బాల్ కూడా అధికంగా ఆడుతుంది. అది కూడా మోహన్ లాల్ కు ఫుట్ బాల్ పై ఆసక్తి పెరగడానికి కారణమైంది. అయితే మెస్సి ఆడిన అనేక మ్యాచ్లకు మోహన్ లాల్ హాజరయ్యాడు. అయితే తనపై ఉన్న అభిమానానికి మురిసిపోయిన మెస్సీ మోహన్ లాల్ కు అందమైన బహుమతి పంపించాడు. తన సంతకం చేసిన జెర్సీని మోహన్ లాల్ కు మెస్సి పంపించాడు. తన జెర్సీపై ఆటోగ్రాఫ్ చేస్తున్న దృశ్యాలను వీడియో తీసి మోహన్ లాల్ కు మెస్సి పంపించాడు. ఈ వీడియోను మోహన్ లాల్ తన అధికారిక ట్విట్టర్ ఎక్స్ ఖాతాలో పంచుకున్నాడు. ” నాకు మెస్సి అంటే చాలా ఇష్టం. అతని ఆట అంటే విపరీతమైన ఇష్టం. ఇది ఒక మధురమైన క్షణం. ఇటువంటివి జీవితాంతం మొత్తం ఉంటాయి. ప్రస్తుతం ఈ క్షణాన్ని నేను అందంగా ఆస్వాదిస్తున్నా. జెర్సీపై మెస్సి నా పేరును కూడా రాసి పంపించాడు. నా స్నేహితులు రాజీవ్, రాజేష్ వల్లే ఇదంతా సాధ్యమైంది. నాకు మెస్సి అంటే ఎంత ఇష్టమో వారికి తెలుసు. నా ఇష్టాన్ని గమనించి వారు ఈ పని చేశారు. వారికి నేను ధన్యవాదాలు తెలియజేస్తున్నాను. ఫుట్ బాల్ మాత్రమే కాదు ఏ క్రీడ అయినా సరే మనుషుల మధ్య సంబంధాలను మరింత బలంగా పెంచుతుంది. అటువంటి క్రీడలు ప్రపంచంలో వర్ధిల్లాలని” మోహన్ లాల్ సోషల్ మీడియాలో పేర్కొన్నారు. కాగా మోహన్ లాల్ పోస్ట్ చేసిన ఈ వీడియో సోషల్ మీడియాలో లక్షలలో వ్యూస్ సొంతం చేసుకుంది.
Some moments in life feel too profound for words. They stay with you forever.
Today, I experienced one of those moments. As I gently unwrapped the gift, my heart skipped a beat—a jersey signed by the legend himself, Lionel Messi. And there it was… my name, written in his own… pic.twitter.com/V1HXjDjH89
— Mohanlal (@Mohanlal) April 20, 2025
