India vs Pakistan MMA: అది మామూలు దెబ్బ కాదు.. పులి పంజా దెబ్బకు.. సింహం గర్జనకు సమానం. ఏనుగు తొండంతో లాగి పెట్టి కొడితే ఎలా ఉంటుందో.. ముసలి తన దంతాలను ఏకబిగిన బిగించి లాగేస్తే ఎలా ఉంటుందో.. బలమైన పొట్టేలు కొమ్ములతో గుద్దితే ఎలా ఉంటుందో.. హోరుగాలి అమాంతం లేపేస్తే ఎలా ఉంటుందో.. అలా ఉంది.. ఆ దెబ్బ తిన్నవాడు.. బతకలేడు.. బతికినా లేవలేడు. అదే పరిస్థితి పాకిస్తాన్ ఫైటర్ ఎదుర్కొన్నాడు. మన ఫైటర్ ఇచ్చిన పంచ్ కు చుక్కలు చూసి.. కింద పడిపోయాడు.
మనదేశంలో పంజాబ్ ప్రజలు చాలా బలంగా ఉంటారు. అక్కడి ప్రజలు ఎక్కువగా కుస్తీ పోటీలకు.. మార్షల్ ఆర్ట్స్ కు ప్రాధాన్యమిస్తుంటారు. అలాంటి గడ్డమీద పుట్టిన వ్యక్తి పేరు సంగ్రామ్ సింగ్. ఇతడు మార్షల్ ఆర్ట్స్ లో చిన్నప్పటినుంచి శిక్షణ పొందాడు. తనను తాను గొప్పగా మలుచుకున్నాడు. అనేక పోటీలలో విజయాలు సాధించాడు. చివరికి ఏషియా చాంపియన్ షిప్ లో అదరగొట్టాడు. చిరకాల ప్రత్యర్థి పాకిస్తాన్ ఫైటర్ మహమ్మద్ అలీకి తన పంజా దెబ్బ చూపించాడు. మలేషియాలో జరిగిన మిక్స్డ్ మార్షల్ ఆర్ట్స్ ఫైనల్ పోటీలో పాకిస్తాన్ ఫైటర్ మహమ్మద్ అలీ ని ఒకటి దెబ్బకు పడుకోబెట్టాడు. తన పవర్.. టాలెంట్ తో కేవలం 80 సెకండ్లలోనే అతడిని ఓడించాడు.
సంగ్రామ్ సింగ్ మిక్స్డ్ మార్షల్ ఆర్ట్స్లో ఇప్పటివరకు ఒక్క ఫైట్ కూడా ఓడిపోలేదు. దీనిని బట్టి అతడు ఎలా ఆడతాడో.. అతడి నేర్పరితనం ఏమిటో అర్థం చేసుకోవచ్చు. ప్రత్యర్థి కదలికలను అతడు ముందుగానే కనిపెడతాడు. ప్రత్యర్థి పంచ్ ల నుంచి తనను తాను రక్షించుకుంటాడు. ఇదే సమయంలో ప్రత్యర్థి లోపాల మీద దృష్టి పెడతాడు. ఎప్పుడైతే వాటి మీద అతనికి పట్టు చిక్కుతుందో.. ఇక అప్పుడు తన దాడి మొదలు పెడతాడు. ప్రత్యర్థి ఏమాత్రం కోలుకోకుండా చేస్తాడు. వరుసగా పంచ్ లు విసురుతాడు. వాటి నుంచి తీరుకునే లోగానే గట్టి దెబ్బ కొడతాడు. దీంతో ప్రత్యర్థి కుప్పకూలిపోతాడు.
మలేషియాలో జరిగిన మ్యాచ్లో కూడా పాకిస్తాన్ ఫైటర్ మహమ్మద్ అలీ విషయంలో కూడా ఇదే విధానాన్ని సంగ్రామ్ సింగ్ పాటించాడు. తన పవర్ చూపించాడు. తన టాలెంట్ ప్రదర్శించాడు. కేవలం 30 సెకండ్లలోనే ఆలీని పడుకోబెట్టాడు. దీనిని బట్టి మనవాడి రేంజ్ ఏమిటో అర్థం చేసుకోవచ్చు. అలీ ప్రారంభం నుంచే ఎదురు దాడి చేద్దామనుకున్నాడు. కానీ ఆలీ పప్పులు సంగ్రామ్ సింగ్ మీద ఉడకలేదు. సంగ్రామ్ సింగ్ కొట్టిన దెబ్బకు పాకిస్తాన్ ఫైటర్ లేవలేదు. లేచే అవకాశం సంగ్రామ్ సింగ్ ఇవ్వలేదు. సంగ్రామ్ సింగ్ తో పోల్చి చూస్తే అలీ బలవంతుడు. కానీ.. సంగ్రామ్ ఎత్తుల ముందు చిత్తయ్యాడు.
