Harshit Rana Selection: ఈ ఐపీఎల్లో ఒక్కసారి రాయల్ ఛాలెంజర్స్ బెంగళూరు బౌలర్ భువనేశ్వర్ కుమార్ బౌలింగ్ ప్రదర్శన చూస్తే ఎవరైనా సరే జాతీయ జట్టులోకి తీసుకుంటారు. అక్కడిదాకా ఎందుకు హేజల్ వుడ్ ఐపీఎల్లో చేసిన ప్రదర్శన చూసి ఆస్ట్రేలియా క్రికెట్ మేనేజ్మెంట్ అతడికి రెడ్ కార్పెట్ వేసింది. అంతేకాదు 2027 వరల్డ్ కప్ లో ఆడేందుకు అతడి మీద వర్క్ లోడ్ కూడా తగ్గించింది. కమిన్స్, స్టార్క్ విషయంలో కూడా ఆస్ట్రేలియా క్రికెట్ మేనేజ్మెంట్ ఇదే నిర్ణయాన్ని తీసుకుంది.
ఇదేం దరిద్రమో లేదు గాని.. టీమిండియా మేనేజ్మెంట్ మాత్రం ఐపీఎల్లో సత్తా చూపించిన బౌలర్ల విషయంలో నిర్లక్ష్యం ప్రదర్శిస్తోంది. హర్షిత్ రానా మీద మాత్రం విపరీతమైన ప్రేమను చూపిస్తోంది. అతడేమి గొప్పగా వికెట్లు తీయలేదు. పేరుపొందిన ఎకానమీ బౌలర్ కూడా కాదు. కీలక సమయాలలో వికెట్లు పడగొట్టి జట్టుకు అడ్వాంటేజ్ స్థాయి కూడా అతనికి లేదు. అతనిలో ఏం నచ్చిందో తెలియదు.. గౌతమ్ గంభీర్ మాత్రం విపరీతమైన ప్రేమ చూపిస్తున్నాడు. ఈ ప్రేమకు అర్థం ఏంటో కూడా తెలియడం లేదు. గతంలో అనేక పర్యాయాలు హర్షిత్ మీద గౌతమ్ ఇదే స్థాయిలో ఆప్యాయత కనబరిచాడు. అతడికి అవకాశాల మీద అవకాశాలు కల్పించాడు.
ఇటీవల కాలంలో హర్షిత్ గాయం వల్ల ఐపీఎల్ మొత్తానికి దూరమయ్యాడు. డొమెస్టిక్ క్రికెట్ కూడా ఆడలేదు. వన్డేలలో కొంతమేర పరవాలేదనుకున్నా.. టి20 లలో రికార్డ్ ఏమంత గొప్పగా లేదు. ఐపీఎల్ లో భువనేశ్వర్ కుమార్ బెంగళూరు జట్టు తరఫున అద్భుతంగా రాణించాడు. వికెట్లు పడగొట్టాడు. సూపర్ ఎకానమీ నమోదు చేశాడు. అతడిని పక్కనపెట్టి హర్షిత్ ను తీసుకోవడం పట్ల విమర్శలు వ్యక్తం అవుతున్నాయి. మరోవైపు హర్షిత్ ను తీసుకొని పాండ్యా కడుపు మీద కొట్టాడని గంభీర్ మీద క్రికెట్ విశ్లేషకులు మండిపడుతున్నారు..
హార్దిక్ పాండ్యా 2024 t20 వరల్డ్ కప్.. ఇటీవల జరిగిన టి20 వరల్డ్ కప్ లో అదరగొట్టాడు. అద్భుతమైన ప్రదర్శన చేశాడు. అయినప్పటికీ అతడిని పక్కన పెట్టారు. అతడిని దూరం పెట్టడం వెనుక ఉన్న కారణాన్ని మేనేజ్మెంట్ ఇంతవరకు చెప్పలేదు. హార్దిక్ పాండ్యాను పక్కనపెట్టి.. అతడి స్థానాన్ని భవిష్యత్తు కాలంలో హర్షిత్ తో భర్తీ చేస్తారా అని క్రికెట్ విశ్లేషకులు ప్రశ్నిస్తున్నారు. హర్షిత్ కోసం ఏకంగా నిబంధనలు కూడా మార్చారని మండిపడుతున్నారు. దీనిపై గౌతమ్ గంభీర్ ఎటువంటి రిప్లై ఇస్తాడో చూడాల్సి ఉంది.
