Hardik Pandya: హార్దిక్ పాండ్యాకు ఏమైంది.. ఎవరైనా చేతబడి చేశారా.. పిచ్చి పిచ్చిగా ఉంటున్నాడు. ప్రేయసితో చెట్టాపట్టాలు వేసుకుని తిరుగుతున్నాడు. నిబంధనలు పక్కన పెట్టి స్వేచ్ఛగా విహరిస్తున్నాడు. మైదానంలో విచిత్రంగా ప్రవర్తిస్తున్నాడు. తోటి ఆటగాళ్లతో వింతగా వ్యవహరిస్తున్నాడు. తన సోదరుడు క్రునాల్ పాండ్యా అదరగొడుతుంటే.. బెంగళూరు జట్టు తరఫున పరుగులు, వికెట్లు సాధిస్తూ తిరగులేని పేరు తెచ్చుకుంటుంటే హార్దిక్ మాత్రం అందుకు భిన్నంగా వ్యవహరిస్తున్నాడు.
హార్దిక్ పాండ్యా నాయకత్వంలో ముంబయి ఇండియన్స్ అంతగా ఆకట్టుకోలేదు. గత సీజన్ లో నాలుగో స్థానంలో నిలిచింది. అంతకుముందు సీజన్ లో దిగువస్థానానికి పరిమితమైంది. హార్దిక్ నాయకత్వంలో ముంబయి ఇండియన్స్ అంతగా ఆడలేకపోవడంతో మీడియాలో, సోషల్ అతని మీద తీవ్రస్థాయిలో విమర్శలు వస్తున్నాయి. అంతేకాదు ముంబై ఇండియన్స్ యాజమాన్యం అతడిని తొలగిస్తుందని.. అతని స్థానంలో కొత్త ఆటగాడికి నాయకుడిగా బాధ్యతలు అప్పగిస్తుందని వార్తలు వినిపిస్తున్నాయి. దీనిపై ఇంతవరకు ముంబై ఇండియన్స్ యాజమాన్యం అధికారికంగా ఎటువంటి ప్రకటన చేయలేదు. మరోవైపు హార్థిక్ కు కూడా తాను ముంబై ఇండియన్స్ జట్టును వదిలి వెళుతున్నట్టు ప్రకటించలేదు.
ఈ వ్యవహారం ఇలా సాగుతుండగానే హార్దిక్ పాండ్యా గురించి ఒక అప్డేట్ తెరపైకి వచ్చింది. హార్దిక్ పాండ్యా తన instagram ఎకౌంటును డి ఆక్టివేట్ చేశాడు. అతడి గురించి సెర్చ్ చేస్తే యూజర్ నాట్ ఫౌండ్ అని వస్తోంది. ఇటీవల అతడు ముంబై ఇండియన్స్ అఫీషియల్ ఇన్స్టాగ్రామ్ ను అన్ ఫాలో చేశాడు. అంతేకాదు గులాబీ రంగు లో కొన్ని వస్తువులను సోషల్ మీడియాలో పోస్ట్ చేశాడు. దీంతో అతడు ముంబై ఇండియన్స్ జట్టును వదిలి వెళ్ళిపోతున్నాడని అందరికీ అర్థమైంది. కాకపోతే దీనిపై అధికారికంగా ప్రకటన రాలేదు..
ఈ సీజన్లో హార్దిక్ పాండ్యా అంత గొప్పగా ఆడలేదు. జట్టును కూడా అంత గొప్పగా ముందుకు తీసుకెళ్లలేదు. తోటి ఆటగాళ్లతో అతడికి విభేదాలు ఉన్నాయని వార్తలు కూడా వచ్చాయి. కొన్ని మ్యాచ్లకు అతడిని ముంబై యాజమాన్యం దూరం కూడా పెట్టింది. అయినప్పటికీ ఆ జట్టు ఆట తీరు మారలేదు. మధ్యలో సూర్య కుమార్ యాదవ్.. బుమ్రా జట్టుకు తాత్కాలిక సారదులుగా వ్యవహరించారు. అయినప్పటికీ ముంబై రాత మారలేదు. ఇప్పుడు ఏకంగా హార్దిక్ పాండ్యా ఇన్స్టాగ్రామ్ అకౌంట్ ను డి ఆక్టివేట్ చేయడంతో.. మొత్తానికి అతడు ముంబై జట్టు నుంచి బయటికి వెళ్లిపోతున్నాడని పరోక్షంగా సంకేతాలు ఇచ్చాడు. మరికొద్ది రోజుల్లో అధికారికంగా సమాచారం వస్తుందని స్పోర్ట్స్ వర్గాలలో ప్రచారం జరుగుతోంది.
