Rashi Phalalu: జ్యోతిష్య శాస్త్రం ప్రకారం 2024 జనవరి 20న చంద్రుడు మేషరాశిలో సంచరించనున్నాడు. దీంతో ద్వాదశ రాశులపై కృత్తిక నక్షత్ర ప్రభావం ఉంటుంది. దీంతో మేషం నుంచి మీనం రాశివరకు కొందరిలో ధన లాభం ఉంటుంది. మరికొందరికి ప్రతికూల ఫలితాలు ఉండనున్నాయి. ఈ సందర్భంగా 12 రాశి ఫలాలు ఏ విధంగా ఉన్నాయో చూద్దాం.
మేషరాశి:
ఈ రాశి వారికి ఈ రోజు స్నేహితుల సహకారం ఉంటుంది. మానసిక ఒత్తిడి వల్ల ఆరోగ్యం పై ప్రభావం ఉంటుంది. వ్యాపారస్తులు పెట్టుబడులు పెట్టేముందు ఇతరుల సలహాలు తీసుకునే విషయంలో జాగ్రత్తగా ఉండాలి. కొందరు ప్రత్యర్థులు మీ పనులను చెడగొట్టే అవకాశం ఉంది.
వృషభం:
వ్యాపారస్తులు పెట్టుబడులు పెట్టడానికి ఇది అనువైన సమయం కాదు. ఉద్యోగులకు అధికారుల నుంచి సమస్యలు వచ్చే అవకాశం. స్నేహితుల నుంచి సహకారం లభిస్తుంది. కుటుంబ సభ్యుల మధ్య విభేదాలు ఏర్పడతాయి. ఖర్చులు పెరిగే అవకాశాలు ఎక్కువ.
మిథునం:
ఉద్యోగులకు కిందిస్థాయి సిబ్బందితో వాగ్వాదాలు ఉంటాయి. కొన్ని విషయంలో ఓపిక అవసరం. వ్యాపారస్తులు యంత్రాలకు సంబంధించిన అమ్మకాలపై జాగ్రత్తలు తీసుకోవాలి. కుటుంబంలో సభ్యులు ప్రశాంతంగా ఉంటారు.
కర్కాటకం:
ఈ రాశి వారి జీవితం ఈరోజు అల్లకల్లోలంగా ఉంటుంది. వ్యాపారస్తులు పర్యటనలు చేస్తారు. ఉద్యోగులు ఇతరులతో ఇబ్బందులు ఎదుర్కొంటారు. ఆరోగ్య విషయంలో జాగ్రత్తలు తీసుకోవాలి. ఇతరులతో మాట్లాడేటప్పుడు సాంయమనం పాటించాలి.
సింహ:
కొత్త ఆదాయం వనరులు సమకూరుతాయి. ఉద్యోగులు కార్యాలయంలో ప్రశంసలు పొందుతారు. రాజకీయ నాయకులకు అడ్డంకులు ఏర్పడతాయి. ఖర్చుల విషయంలో జాగ్రత్తలు పాటించాలి.
కన్య:
మీ మాటల వల్ల కొన్ని వివాదాలు ఏర్పడే అవకాశం. ప్రియమైన వారితో గొడవలకు దిగకుండా ఉండాలి. వ్యాపారంలో పోటీ తత్వం పెరుగుతుంది. అయితే ఆదాయం పెరుగుతుంది. ఆశించిన పనులు ఆలస్యం అవుతాయి.
తుల:
ఇల్లు కట్టుకోవాలి అనుకునే వారికి అడ్డంకులు తొలగిపోతాయి. వ్యాపారస్తులకు లాభసాటి గానే ఉంటుంది. కుటుంబ సభ్యుల మధ్య గొడవలు వచ్చే అవకాశం. స్నేహితులతో కలిసి విహారయాత్రలకు వెళ్తారు.
వృశ్చికం:
కోర్టు వ్యవహారాలు అనుకూలంగా ఉంటాయి. జీవిత భాగస్వామితో స్థిరంగా ఉంటారు. సమాజంలో గౌరవం పెరుగుతుంది. సంబంధాలు మెరుగుపడతాయి.
ధనస్సు:
ఖర్చులు పెరుగుతాయి. దీంతో టెన్షన్ వాతావరణం ఉంటుంది. వ్యాపారం లో అధిక లాభాలు ఉంటాయి. కుటుంబంలో చిన్నపాటి గొడవలు ఉంటాయి. ఆ తర్వాత సర్దుకుంటాయి.
మకర:
కుటుంబ సభ్యులతో ఆనందంగా గడుపుతారు. స్నేహితులతో షికారుకు వెళ్తారు. పెట్టుబడులు పెట్టే వారికి అనుకూల సమయం. ఉద్యోగులు తమ విధుల విషయంలో తొందర పడొద్దు.
కుంభం:
గతంలో మొదలు పెట్టిన పనులు పూర్తవుతాయి. సంబంధాలు మెరుగవుతాయి. వ్యాపారులకు ఆశించిన లాభాలు ఉంటాయి. ఉద్యోగులకు ప్రశంసలు దక్కుతాయి. కుటుంబ సభ్యులతో ఆనందంగా గడుపుతారు.
మీనం:
ఈరోజు ఇంటికి చుట్టాలు వస్తారు. కొన్ని శుభవార్తలు వింటారు. సోదరుల మద్దతు ఉంటుంది. ఉద్యోగులకు అనుకూలమైన వాతావరణం. సాయంత్రం ఉల్లాసంగా గడుపుతారు.