Modi Donetions: ‘నవ్విపోదురుగాక మాకేటి సిగ్గు’ అన్న తరహాలో ఇప్పుడు దేశంలోనే ఇద్దరు శక్తివంతులైన నేతలు చేసి పనిపై సోషల్ మీడియాలో సెటైర్లు కురుస్తున్నాయి. సహజంగా ప్రధానిగా మోడీ, హోంమంత్రిగా అమిత్ షా వేతనాలే నెలకు రూ.2 లక్షలు దాటుతాయి. ఇక ప్రధాని హోదాలో ఉంటే ఆ డాబు, దర్పం వేరే లెవల్ లో ఉంటుంది. ఎన్నికల వేళ.. ఇతర సమయాల్లో బీజేపీకి వచ్చిన విరాళాలే దాదాపు వేల కోట్లు దాటాయి. అంతటి కుబేర పార్టీకి.. పైగా అధికారంలో ఉన్న బీజేపీకి వచ్చిన ఆ కోట్లు అంతా ఖర్చు అయ్యేది మోడీ, షాల ద్వారానే.. మరి అంతటి కమాండింగ్ స్థాయిలో ఉండి.. ప్రభుత్వం నుంచి నెలకు లక్షల్లో జీతం తీసుకుంటూ కూడా ప్రధాని మోడీ, హోంమంత్రి అమిత్ షాలు తమ పార్టీ అయిన బీజేపీకి కేవలం రూ.1000 చొప్పున విరాళం ఇవ్వడం చర్చనీయాంశమైంది. అంత పెద్ద వ్యక్తులు.. ఇంత చిన్న మొత్తాన్ని ఇవ్వడం చూసి బీజేపీ శ్రేణులే ముక్కున వేలేసుకుంటున్నాయి.
మోడీ కంటే ఏ వ్యాపారాలు, ఇతర వ్యాపకాలు లేవు. కానీ అమిత్ షాకు ఉన్నాయి. ఆయన కుమారుడు జైషా ఏకంగా ప్రపంచంలోనే ధనిక క్రికెట్ బోర్డు ‘బీసీసీఐ’ని నడిపిస్తున్నాడు. ఇతర కుమారుల చేతుల్లోనూ భారీ వ్యాపారాలున్నాయి. ఇంత ఆర్థిక వనరులు ఉన్నా కూడా అమిత్ షా తన పార్టీకి కేవలం రూ.1000 మాత్రమే విరాళం ఇస్తారా? అని సోషల్ మీడియాలో సెటైర్లు పేలుతున్నాయి.
తాజాగా దేశంలో బీజేపీని బలోపేతం చేసే దిశగా ప్రధాని మోడీ పార్టీ ఫండ్ సేకరించే పని పెట్టుకున్నారు. తన వంతుగా రూ.1000 విరాళం ఇచ్చినట్టు తన సోషల్ మీడియా ఖాతాలో తెలిపారు. బీజేపీని బలోపేతం చేసేందుకు.. దేశాన్ని ధృడం చేసేందుకు అందరూ సాయం చేయాలని ప్రజలను ట్విట్టర్ వేదికగా కోరారు. తన వంతుగా రూ.1000 సాయం చేస్తున్నట్లు ప్రకటించారు. బీజేపీ బలోపేతం అయితే ఇండియా బలోపేతం అయినట్టేనని ప్రధాని మోడీ అభిప్రాయపడ్డారు.
అయితే మోడీ అంతటి వ్యక్తి కేవలం రూ.1000 విరాళం ఇవ్వడంపై సోషల్ మీడియాలో కొందరు నెటిజన్లు సెటైర్లు వేస్తున్నారు. ప్రధాని హోదాలో ఉండి ఒక పార్టీ కోసం విరాళాలు ఇవ్వాలని పిలుపునివ్వడం సరికాదని విమర్శిస్తున్నారు. అంతేకాకుండా బీజేపీ బలోపేతాన్ని దేశంతో పోల్చడమేంటని నిలదీస్తున్నారు.
I have donated Rs. 1,000 towards the party fund of the Bharatiya Janata Party.
Our ideal of always putting Nation First and the culture of lifelong selfless service by our cadre will be further strengthened by your micro donation.
Help make BJP strong. Help make India strong. pic.twitter.com/ENdytJYEj5
— Narendra Modi (@narendramodi) December 25, 2021
