US Indian Students: మనోళ్లు మారరా… నకిలీ పత్రాలతో ఇంకెన్నాళ్లు అమెరికాను చీట్ చేస్తారు?

US Indian Students: అమెరికా యూనివర్సిటీల్లో కోర్సుల్లో చేరేందుకు వెళ్లిన 21 మంది భారతీయ విద్యార్థులకు అక్కడ ఊహించని పరిణామం ఎదురైంది. ఎయిర్‌పోర్టులలో తనిఖీల్లో కొంతమందిపై అనుమానంతో అక్కడి ఇమిగ్రేషన్‌ అధికారులు ఆరా తీశారు. యూనివర్సిటీల్లో ఫీజులు, విద్యార్థుల ఆర్థిక పరిస్థితులను పరిశీలించారు. మొబైల్స్, మెయిల్స్, కన్సల్టెన్సీలు, అమెరికాలోని విద్యార్థులతో ఫోన్‌ కాల్స్‌ రికార్డును పరిశీలించిన అధికారులు వారిని తిప్పి పంపారు. ఒకసారి అమెరికా నుంచి డిపోర్ట్‌ అయిన విద్యార్థులు తిరిగి 5 ఏళ్ల దాకా ఆ దేశ వీసాకు దరఖాస్తు చేసుకోవడానికి అనర్హులు.

నకిలీ పత్రాలని తిరస్కరణ..
అట్లాంటా, శాన్‌ఫ్రాన్సిస్కో, షికాగో ఎయిర్‌పోర్ట్‌ల నుంచి 21 మంది రిటర్న్‌ ఫ్లైట్‌ ఎక్కించారు. వీరిలో 18 మంది తెలుగు విద్యార్థులు ఉన్నారు. కొన్ని డాక్యుమెంట్లు సక్రమంగా లేకపోవడంతో పాటుగా ఇతర కారణాలతో వీరిని వెనక్కు పంపించారు. ఎన్నో ఆశలతో ఉన్నత విద్య నిమిత్తం అమెరికా వెళితే ఇలా వెనక్కు పంపించారని ఆవేదన వ్యక్తం చేశారు విద్యార్థులు. వీరిలో ఏపీ విద్యార్థలు కూడా ఉండటంతో సీఎం జగన్‌ ఆరా తీశారు.

ఉపాధి కోసం ఎఫ్‌1 వీసాపై
ఉన్నత విద్యను కొనసాగించడానికి విద్యార్థులు ఎఫ్‌1 వీసాలలో ప్రయాణిస్తున్నారు. వీసా వ్యక్తులు యుఎస్‌లో పనిచేయడానికి అనుమతించదు. తెలుగు రాష్ట్రాల నుంచి సుమారు 17 నుండి 18 మంది విద్యార్థులు అమెరికాలో తమ బసకు నిధులు సమకూర్చడానికి తగినంత డబ్బు ఉందని నిరూపించడానికి పత్రాలను రూపొందించలేదని నిర్ధారించారు. ఇమ్మిగ్రేషన్‌ పొందడానికి విద్యార్థులు తమ బ్యాంక్‌ ఖాతాలో తగినంత నిధులను చూపించడానికి ఏజెంట్లతో నిమగ్నమయ్యారని గుర్తించారు. పోర్ట్‌ ఆఫ్‌ ఎంట్రీలోని అధికారులతో స్పష్టంగా కమ్యూనికేట్‌ చేయలేనందున విద్యార్థులను మొదట అదుపులోకి తీసుకున్నారు. తరువాత, వారి ఆర్థిక నివేదికలను చూపించమని అడిగినప్పుడు, వారు అస్పష్టమైన సమాధానాలు ఇచ్చారు. కొందరు తమ తల్లిదండ్రులచే నిధులు సమకూరుస్తున్నారని, మరికొందరు తాము రుణం పొందారని పేర్కొన్నారు. కానీ వారు నిరూపించడానికి ఎటువంటి సహాయక పత్రాలను చూపించలేకపోయారని స్థానిక కన్సల్టెంట్‌ చెప్పారు. ఏజెంట్లతో చాట్‌ చేయడమే కాకుండా, వారి సోషల్‌ మీడియా ఖాతాలు కూడా యుఎస్‌ లోని ఇతర విద్యార్థులు/స్థానికులతో వారి సంభాషణను వెల్లడించాయి.
తెలంగాణ అసోసియేషన్‌ ధ్రువీకరణ..
వాషింగ్టన్‌ డీసీలోని గ్లోబల్‌ తెలంగాణ అసోసియేషన్‌ వ్యవస్థాపకుడు, చైర్మన్‌ విశ్వేశ్వర్‌రెడ్డి కలవాలా ఈ సంఘటనను «ధ్రువీకరించారు. విద్యార్థులు సహాయం కోసం సంస్థకు చేరుకున్నారని చెప్పారు. కానీ వారికి సహాయం చేయడానికి ముందు, మేము సమగ్ర తనిఖీలను నిర్వహించామని ఇందులో కూడా విద్యార్థులు విశ్వవిద్యాలయాలలో ప్రవేశాన్ని పొందటానికి కల్పిత పత్రాలు తెచ్చారని గుర్తించామని తెలిపారు.