ఎక్కడో అమెరికాలో 1965లో పికిల్ బాల్ గేమ్ మొదలైంది.. తర్వాత ఇన్ని సంవత్సరాలకు మనదేశంలోకి ఎంట్రీ ఇచ్చింది. ఇంతకీ ఈ గేమ్ ఎలా ఉంటుందంటే..
పికిల్ బాల్ ను మొట్టమొదటిగా ఆడింది అమెరికా పొలిటికల్ లీడర్ జోయల్ ప్రిట్చర్డ్. తన కుటుంబంతో సరదాగా బయటికి వెళ్లినప్పుడు ఆయన ఈ ఆటను ఆడారు. ఆ తర్వాత క్రమేపీ అది పికిల్ బాల్ గా రూపాంతరం చెందింది.
పికిల్ బాల్ ను ఇండోర్, అవుట్ డోర్ విధానంలో ఆడేందుకు అవకాశం ఉంటుంది. సింగిల్స్ విభాగంలో ఇద్దరు.. డబుల్ విభాగంలో నలుగురు ఆడొచ్చు. మిక్స్ డ్ డబుల్స్ విభాగంలోనూ క్రీడాకారులు పోటీ పడొచ్చు.
ఈ క్రీడలో పాడిల్ ను బ్యాట్ గా ఉపయోగిస్తారు. అత్యంత దృఢమైన ప్లాస్టిక్ బంతిని ఈ గేమ్ లో వినియోగిస్తారు. సింగిల్స్ విభాగంలో ఒక్క ఫాల్ట్ చేస్తే చాలు సర్వీస్ పోతుంది. డబుల్స్ లో మాత్రం ఒకసారి సర్వ్ చేసేందుకు అవకాశం ఉంటుంది.
11 పాయింట్లు పూర్తికాగానే ఒక సెట్ ముగుస్తుంది. పికిల్ బాల్ లో కేవలం రెండు పాయింట్లు వ్యత్యాసంతోనే విన్నర్ ను అనౌన్స్ చేస్తారు.
ఈ గేమ్ లో లాంగ్ సర్వీస్ చేసినప్పుడు కచ్చితంగా బంతి నెట్ ను దాటి వెళ్లాల్సిందే.. ఒకవేళ సర్వ్ చేసిన బంతిని నో వ్యాలీ జోన్ దగ్గర ఎట్టి పరిస్థితుల్లో అందుకోవద్దు.
