‘అరె కుర్రాడు బాగున్నాడే’.. పెళ్లిసందడికి 25 ఏళ్లు !

ద‌ర్శ‌కేంద్రుడు రాఘ‌వేంద్ర‌రావు సూపర్ హిట్ సినిమాల్లో ‘పెళ్లి సంద‌డి’ అనే సినిమా ప్రత్యేకమైనది. ఆ రోజుల్లో.. అంటే పెళ్లి సందడి మొదలవుతున్న రోజులు.. అనగా, పాతికేళ్ళకి వెనక్కి వెళ్ళితే.. ‘ఎవరో శ్రీకాంత్ అనే కుర్రాడు అండీ, బాగానే చేస్తున్నాడు, హీరోగా బాగుంటాడు’ అంటూ ఓ కో డైరెక్టర్ మొదటిసారిగా రాఘ‌వేంద్ర‌రావుకి చెప్పారట. శ్రీకాంత్ ఫోటో చూసిన దర్శకేంద్రుడు.. ‘అరె కుర్రాడు బాగున్నాడు. ప్రస్తుతం ఏమైనా సినిమాలు చేస్తున్నాడా ?’ అంటూ మొదలైన ప్రస్తావన.. మొత్తానికి అద్భుతమైన సినిమాగా బయటకు వచ్చింది.

Also Read: మళ్ళీ న్యూడ్ గా నటిస్తా.. ‘రాధికా’ కొత్త సిరీస్ !

కాగా ఈ సినిమా జ‌న‌వ‌రి 12,1996లో విడుద‌లైంది. నేటితో 25 ఏళ్ళు పూర్తి చేసుకుంది. అయితే, ఈ సంద‌ర్భంగా రాఘవేంద్ర‌ర‌రావు ట్విట్ట‌ర్ ద్వారా ఈ సినిమా గురించి పోస్ట్ చేస్తూ.. ”నేటికి పెళ్ళి సందడి సినిమా విడుదలయ్యి 25 ఏళ్ళు అయింది. నా కెరీర్‏లో, శ్రీకాంత్ కెరీర్‏లోనే కాకుండా తెలుగు సినిమా చరిత్రలోనే నిలిచిపోయేలా చేసిన ప్రేక్షకాభిమానులకు కీరవాణికి, చిత్ర నిర్మాతలు అశ్వినీదత్, అల్లు అరవింద్, జగదీష్ ప్రసాద్‏లకు నమస్కరిస్తున్నాను” అంటూ ట్వీట్ చేశారు దర్శకేంద్రుడు. ఇక ఈ సినిమాలోని ప్రతిపాట సూపర్ హిట్‏గా నిలిచింది.

Also Read: 34 ఏళ్ల ‘శృతి హాసన్’.. ఆంటీ పాత్రలకే ఫిక్స్ !

ఇప్పటీకి ఒక పెళ్లి జరుగుతుంది అంటే.. ఈ చిత్రంలోని పాటలనే ఆ పెళ్ళిలో ప్రధానంగా ప్లే చేస్తూ ఆనందిస్తారు. అంతగా ఈ సినిమా పాటలను ప్రేక్షకులు అలరిస్తునే ఉన్నారు. ఇక ఈ సినిమాలో శ్రీకాంత్ సరసన రవళి, దీప్తి భట్నాగర్ హీరోయిన్లుగా నటించి మెప్పించారు. అయితే, ఈ సినిమాకి సీక్వెల్ కూడా రాబోతున్న సంగతి తెలిసిందే. కాగా తాజాగా దర్శకేంద్రుడు ఈ సీక్వెల్ లో హీరోయిన్ ఎవ‌రనే విష‌యాన్ని కూడా తెలియజేస్తూ.. ‘శ్రీ లీల’ అనే కొత్త అమ్మాయి హీరోయిన్‌గా న‌టిస్తోంద‌ని ఆయ‌న తెలిపారు. ఇక రాఘ‌వేంద్ర‌రావు ప‌ర్య‌వేక్ష‌ణ‌లో గౌరీ రోనంకి ఈ సీక్వెల్ ‘పెళ్లి సందడ్’ సినిమాని తెర‌కెక్కిస్తోంది.

మరిన్ని సినిమా వార్తల కోసం టాలీవుడ్ న్యూస్

#పెళ్లిసందడి. నేటికి సినిమా విడదల అయ్యి 25 ఏళ్ళు అయింది. నా కెరీర్ లో, శ్రీకాంత్ కెరీర్ లోనే కాకుండా తెలుగు సినిమా చరిత్రలోనే నిలిచిపోయేలా చేసిన ప్రేక్షకాభిమానులకు, కీరవాణి కి, చిత్ర నిర్మాతలు అశ్వినీదత్, అల్లు అరవింద్, జగదీష్ ప్రసాద్ లకు నమస్కరిస్తున్నాను. pic.twitter.com/1J2KrHUEOf

— Raghavendra Rao K (@Ragavendraraoba) January 12, 2021

ఈ పాతికేళ్ల #పెళ్లిసందడి సంబరాలను రెట్టింపు చేయడానికి #పెళ్లిసందD సినిమా ని శ్రీకాంత్ వారసుడు రోషన్, శ్రీ లీల తో చేస్తున్నాము.. నా దర్శకత్వ పర్యవేక్షణ లో నా సహాయ దర్శకురాలు గౌరీ దర్శకత్వం చేస్తుంది. ప్రస్తుతం చిత్రీకరిస్తున్నాం… త్వరలో థియేటర్లో కలుద్దాం. pic.twitter.com/nplvTCHrk8

— Raghavendra Rao K (@Ragavendraraoba) January 12, 2021