Woman Cried at Italy Airport: ఈ అక్కకు ఏమైంది.. ఎయిర్ పోర్ట్ లో చిన్నపిల్లలా ఎందుకు ఏడ్చింది? కారణం తెలిస్తే ఆశ్చర్యపోతారు (వీడియో వైరల్)

Woman Cried at Italy Airport: అది విమానాశ్రయం.. వచ్చే ప్రయాణికులు, పోయే ప్రయాణికులతో విపరీతమైన రద్దీగా ఉంది. అలాంటి చోట ఓ మహిళ కింద పడింది. అటు ఇటు పోర్లు దండాలు పెట్టింది. అదే స్థాయిలో అరిచింది. ఈ సంఘటన ప్రస్తుతం సోషల్ మీడియాలో సంచలనం కలిగిస్తోంది. ఆ వీడియో తెగ వైరల్ గా మారింది. అక్కడ ఆ మహిళ ఏడుస్తూ ఉన్న దృశ్యాలను చూసిన నెటిజన్లు షాక్ అవుతున్నారు. ఇటలీలోని మిలాన్ మాల్ఫెన్సా విమానాశ్రయంలో ఈ సంఘటన జరిగిందని తెలుస్తోంది. అంతర్జాతీయ మీడియాలో వస్తున్న కథనాల ప్రకారం.. ఆ మహిళ లగేజ్ బరువు పరిమితికి మించి ఉంది. పరిమితికి మించి లగేజీ బరువు ఉంటే ఫ్లైట్ లో ప్రయాణం చేయడానికి అధికారులు అనుమతించారు. ఆ ప్రయాణికురాలికి కూడా అదే అనుభవం ఎదురయింది.

అదనపు చార్జీలు చెల్లించాలని అనడంతో..
ఎక్కువ బరువు ఉన్న లగేజీ కోసం అదనపు చార్జీలు చెల్లించాలని అక్కడి అధికారులు ఆమెకు స్పష్టం చేశారు. ఒకవేళ డబ్బులు చెల్లించడం వీలు కాకపోతే ఆ లగేజీ చెక్ ఇన్ సూట్ లో పెట్టుకోవాలని ఆ ప్రయాణికురాలికి అధికారులు స్పష్టం చేశారు. ఆ బరువు మొత్తాన్ని తనతో పాటు తీసుకెళ్తానని ఆ ప్రయాణికురాలు చిన్న పిల్ల మాదిరిగానే గొడవ చేసింది. కింద పడి దొర్లింది. చేతులు, కాళ్లను నేలకేసి కొట్టింది. అంతేకాదు విపరీతమైన రభస సృష్టించింది. అయితే ఆమె సృష్టించిన బీభత్సాన్ని చూసిన ప్రయాణికులు ఒక్కసారిగా షాక్ కు గురయ్యారు. ఆ తర్వాత ఆ ప్రయాణికురాలు విమానాశ్రయంలో ఉన్న అధికారులపై ఆగ్రహం వ్యక్తం చేసింది. వారు ఎంత చెప్పినా కూడా ఆమె వినిపించుకోలేదు. ఫలితంగా ఆమెను విమానం ఎక్కడానికి అధికారులు ఒప్పుకోలేదు. అనంతరం ఆ మహిళ సర్దుకున్న తర్వాత.. అధికారులు ఇంకో విమానానికి టికెట్ బుక్ చేశారు. ఆ తర్వాత అందులో ఆమెను పంపించారు..

నెటిజన్లు ఏమంటున్నారంటే..
ఈ వీడియో సోషల్ మీడియాలో పెద్ద ఎత్తున చర్చకు దారి తీయడంతో నెటిజన్లు స్పందిస్తున్నారు. ” ఇలా రచ్చ చేసి.. అధికారులలో ఒప్పించాలి అనుకుంటే కష్టమే.. ఇలాంటి నాటకాలకు ఈ రోజుల్లో కాలం చెల్లిపోయింది. ఇటీవల కాలంలో ప్యాసింజర్లు విమానాశ్రయాలలో ఇలాంటి పిచ్చి పిచ్చి పనులు చేయడం పెరిగిపోయింది. గత నెలలో కూడా చికాగో విమానాశ్రయంలో ఓ ప్యాసింజర్ కంప్యూటర్ మానిటర్ ను చేతితో పట్టుకొని సిబ్బందిపై విసిరివేశారు. ఇలాంటి సంఘటనలు జరగకుండా విమానాశ్రయ సిబ్బంది చర్యలు తీసుకుంటున్నప్పటికీ ఉపయోగం లేకుండా పోతోంది. విమానాశ్రయంలో భద్రతను పెంచాలి. ప్రయాణికులకు నిబంధనల గురించి వివరించాలని” నెటిజన్లు పేర్కొంటున్నారు.