Bihar Marriage: దానికోసం కక్కుర్తి పడకూడదు. అనవసరంగా ఆశపడకూడదు. ఆ తర్వాత జరిగే సంఘటనలు వేరే విధంగా ఉంటాయి. అప్పుడు చింతించి ఉపయోగం ఉండదు. బాధపడి ప్రయోజనం ఉండదు. పాపం ఆ యువకుడి పరిస్థితి కూడా ఇప్పుడు అలానే ఉంది. తట్టుకోలేక పోలీసులను ఆశ్రయించాడు. అయినప్పటికీ అక్కడ న్యాయం జరుగుతుందని నమ్మకం లేదు. ఎందుకంటే జరిగిన సంఘటన అటువంటిది కాబట్టి..
అతనికి 22 సంవత్సరాలు. ఉండేది బీహార్ రాష్ట్రంలో.. ఇతడికి ఒక హాస్పిటల్లో 32 సంవత్సరాల మహిళ పరిచయం అయింది. అప్పటికే ఆమెకు వివాహం జరిగింది. ఒక కుమార్తె కూడా ఉంది. ఒక హాస్పిటల్లో ఆమెతో అయిన పరిచయం కొద్ది రోజుల్లోనే ప్రేమ దాకా వెళ్ళింది. వారిద్దరు ఆ పని కూడా మొదలుపెట్టారు.
ఈ క్రమంలోనే ఒకరోజు రాత్రి మా ఇంటికి రావాలి అంటూ ఆమె వర్తమానం పంపింది. దీంతో అతడు ఎంతో ఆత్రుతతో అక్కడికి వెళ్ళాడు. ఇంట్లోకి వెళ్లిన తర్వాత ఆమె కుటుంబ సభ్యులు దిమ్మతిరిగే షాక్ ఇచ్చారు.. ఆమెకు.. అతడికి పెళ్లి చేశారు. స్థానికులను పిలిచి ఈ వేడుకను గ్రాండ్ గా జరిపారు. పెళ్లిరోజు అతడు సానుకూలంగానే ఉన్నాడు. ఆమె పెద్దలు చెప్పినట్టు చేశాడు. కానీ తర్వాత, అతడు పోలీసులను ఆశ్రయించాడు. తనను బెదిరించి పెళ్లి చేశారని పోలీసులకు ఫిర్యాదు చేశాడు. ప్రస్తుతం ఈ సంఘటనపై బీహార్ పోలీసులు కేసు నమోదు చేశారు. దర్యాప్తు మొదలుపెట్టారు. ఈ సంఘటన బీహార్ రాష్ట్రంలోని ఖగారీయా జిల్లాలో చోటుచేసుకుంది. ఈ పెళ్లికి ఆ మహిళ కూతురు కూడా ఒప్పుకోవడం గమనార్హం.
అతడి సమ్మతితోనే పెళ్లి చేశామని ఆమె కుటుంబ సభ్యులు చెప్తున్నారు. ఇందులో అతడిని ఎటువంటి ఒత్తిడికి గురి చేయలేదని.. వేధింపులకు పాల్పడలేదని.. ఇబ్బంది పెట్టలేదని వారు చెబుతున్నారు. ఇష్టంతో పెళ్లి చేసుకొని.. ఇప్పుడు ఇలా వ్యవహరించడం ఎంతవరకు సమంజసమని వారు ప్రశ్నిస్తున్నారు. తాము కూడా రిటర్న్ కేసు పెడతామని.. పోలీసుల దృష్టికి అన్ని విషయాలు తీసుకెళ్తామని ఆ నర్స్ బంధువులు చెబుతున్నారు.
అతనికి 22.. ఆమెకు 32.. స్కెచ్ వేసి మరీ పెళ్లి!
ఆమె ఒక నర్సు.. పదేళ్ల క్రితమే భర్తతో విడాకులు తీసుకున్న ఆమెకు ఓ కుమార్తె ఉంది
కట్ చేస్తే.. రెండు నెలల క్రితం ఆమెకు 22 ఏళ్ల నితీశ్ కుమార్ పరిచయం అయ్యాడు
మాటలు కలిసిన కొన్ని రోజుల్లోనే మనసులూ కలవడంతో.. ప్రేమాయణం సాగించారు
— PulseNewsBreaking (@pulsenewsbreak) July 11, 2026
