భారతదేశ ప్రధాని నరేంద్ర మోదీ మంగళవారం అలీఘర్ ముస్లిం విశ్వవిద్యాలయం (ఏఎంయూ) శతాబ్ది ఉత్సవాలకు హాజరుకానున్నారు. అయితే ప్రత్యక్షంగా కాకుండా వీడియో కాన్ఫరెన్స్ ద్వారా ప్రసంగించనున్నారు. 56 సంవత్సరాలలో ఏఎంయూ ఉత్సవాలకు భారత ప్రధాని హాజరు కావడం ఇదే మొదటిసారి. ఈ సందర్భంగా మోదీ ప్రత్యేక పోస్టల్ స్టాంప్ ను విడుదల చేయనున్నట్లు విశ్వవిద్యాలయ అధికారి తెలిపారు. ఈ కార్యక్రమంలో యూనివర్సిటీ చాన్స్ లర్ సయ్యద్నా ముఫద్దల్ సైపుద్దీన్, కేంద్ర విద్యాశాఖ మంత్రి రమేశ్ పోఖ్రియాల్ నిశాంక్ కూడా వీడియో కాన్ఫరెన్స్ ద్వారా ప్రసంగిస్తారు. ఈ సందర్భంగా ఈ వేడుకల్లో పాల్గొంటున్న ప్రధాని మోదీకి ఏఎంయూ సంఘం కృతజ్ఞతలు తెలిపింది.
