Tamil Nadu Prison Escape: ఒకరు కడుపు నొప్పితో బాధపడ్డారు. మరొకరు వాంతులు చేసుకున్నారు. ఇంకొకరు జ్వరంగా ఉన్నట్టు చెప్పారు. ఇలా చాలామంది నేరస్థులు తమకు అనారోగ్యం సోకినట్టు చెప్పడంతో కారాగార సిబ్బంది అక్కడికి వెళ్లారు. వారికి చికిత్స అందించేందుకు ప్రయత్నాలు చేశారు. కానీ అంతలోనే సినిమాకి మించిన సంఘటన జరిగింది. సీన్ కట్ చేస్తే ఖాకీలకు ఫ్యూజలు ఎగిరిపోయాయి.
తమిళనాడు రాష్ట్రంలోని తేనీ జిల్లాలో నేరస్థులు తప్పించుకున్నారు అండి పట్టి సమీపంలోని తెక్కం పట్టి కారాగారం నుంచి ఏకంగా 17 మంది నేరస్థులు కారాగారం గోడలు బద్దలు కొట్టి, తప్పించుకున్నారు. జైలు సిబ్బందిపై దాడి చేశారు. అక్కడి నుంచి పరారైనట్టు తెలుస్తోంది. ఈ సంఘటనతో పోలీసు యంత్రాంగం అప్రమత్తమైంది.
తెక్కం పట్టి సెంట్రల్ ప్రిసన్ లో నేరగాళ్లు తప్పించుకున్నారు. నేరస్థులు కారాగారం సిబ్బందిపై దాడి చేసి.. అక్కడి నుంచి వెళ్లిపోయారు. పరారైన వారిలో చాలామంది మదురై జిల్లా వాస్తవ్యులు. వారి వివరాలు.. వారు చేసిన నేరాల స్వభావం.. పరారైన తర్వాత ఎటువైపు వెళ్లారు అనే విషయాలపై ఖాకీలు దృష్టి పెట్టారు.
ఈ ఘటన గురించి సమాచారం తెలియగానే తేని జిల్లా ఎస్పీ ప్రవీణ్ గౌతమ్ సంఘటన స్థలానికి చేరుకున్నారు. పరిస్థితిని సమీక్షించారు. పరారైన నేరస్థులను పట్టుకునేందుకు వేరే జిల్లాల ఖాకీల సహకారంతో గాలింపు చర్యలు మొదలుపెట్టారు. రాష్ట్రవ్యాప్తంగా ఉన్న చెక్ పోస్టులలో గాలింపు చేపడుతున్నారు. వివిధ వ్యక్తుల వివరాలను.. ఆరా తీస్తున్నారు. అనుమానితుల కదలికలపై నిఘా పెట్టారు.
ఒకేసారి 17 మంది నేరగాళ్లు పరారు కావడం ఖాకీ యంత్రాంగంలో భయాన్ని కలగజేస్తోంది. కారాగారంలో సెక్యూరిటీ లోపాలు ఉన్నాయా.. డ్యూటీలో ఉన్న వారిపై దాడి ఎలా జరిగింది.. అనే అంశాల ఆధారంగా ఖాకీలు ఎంక్వయిరీ చేస్తున్నారు. పరారైన వారిని వీలైనంత త్వరగా పట్టుకోవడమే లక్ష్యంగా గాలింపు చర్యలు చేపడుతున్నామని ఖాకీలు చెబుతున్నారు.
నాటకం ఆడారు
నిన్న రాత్రి ఒక కరుడుకట్టిన వ్యక్తికి ఫిట్స్ వచ్చినట్టు.. మరొక వ్యక్తికి తలనొప్పి.. ఇంకొక వ్యక్తికి జ్వరం వచ్చినట్టు ఖాకీలకు సమాచారం అందించారు. అయితే వారికి సహాయం చేసేందుకు సిబ్బంది గదిలోకి వెళ్లారు. అక్కడ ఉన్న ఖైదీలు ఒక్కసారిగా వారిపై దాడి చేశారు. ఆ తర్వాత భయభ్రాంతులకు గురిచేసి. జైలు ప్రధాన గేటు మీదుగా బయటికి వెళ్లారు. ఈ దాడిలో ముగ్గురు సిబ్బందికి గాయాలయ్యాయి. అయితే ఖైదీలు ఈ ఘటనకు ముందుగానే పథకం రూపొందించారా.. జైలు ప్రధాన గేటు వద్ద సరైన సెక్యూరిటీ లేదా.. సిబ్బంది సంఖ్య సరిగా లేకపోవడం వల్లే లోపాలు ఉన్నాయా.. అనే సందేహాలు ఈ ఘటన జరిగిన తర్వాత వ్యక్తమవుతున్నాయి.
