‘కేజీఎఫ్2’ టీజర్ రిలీజ్ చేసి సృష్టించిన ప్రకంపనలను అధిగమించాలని రాజమౌళి ప్లాన్ చేస్తున్నట్టు తెలుస్తోంది. టాలీవుడ్ స్టార్లు రాంచరణ్, ఎన్టీఆర్ లతో రాజమౌళి తెరకెక్కిస్తున్న ప్రతిష్టాత్మక చిత్రం ‘ఆర్ఆర్ఆర్’ నుంచి మరో సర్ ప్రైజ్ రెడీ అవుతున్నట్లు తెలుస్తోంది.
Also Read: గుర్తు పెట్టు కోవాల్సిన రోజు, గుర్తు ఉండి పోయే రోజు – అనిల్ రావిపూడి !
కరోనా లాక్ డౌన్ తర్వాత షూటింగ్ లకు అనుమతులు ఇవ్వడంతో ఇప్పటికే చిత్రబృందం షూటింగ్ ను మొదలు పెట్టింది. అన్నట్లుగానే చకచకా షూటింగ్ ప్రారంభించి షార్ట్ గా ‘కొమురం భీం’ టీజర్ ను విడుదల చేసింది. ఆ తర్వాత ఇప్పటిదాకా ఒక్క అప్ డేట్ కూడా రాలేదు.
ఈ క్రమంలోనే కొత్త సంవత్సరం సందర్భంగా ప్రేక్షకులకు విషెస్ చెబుతూ రాజమౌళి ట్విస్ట్ ఇచ్చాడు. ‘ఈ ఏడాది మీకు అద్భుతమైన అనుమూతిని ఇస్తాం’ అంటూ శుభాకాంక్షలు చెప్పారు.
ఈ క్రమంలోనే సంక్రాంతికి ఎన్టీఆర్, రాంచరణ్ ఫ్యాన్స్ అంతా ఆసక్తిగా ఎదురుచూస్తున్నారు. రాజమౌళి ఏదైనా సర్ ప్రైజ్ ఇస్తాడా? అని ఎదురుచూస్తున్నారు. తెలుగు నాట సంక్రాంతిపెద్ద పండుగ కావడంతో రాజమౌళి ఖచ్చితంగా ఏదైనా అప్ డేట్ ఇస్తాడని ఆశిస్తున్నారు.
Also Read: మైండ్ బ్లోయింగ్ కలెక్షన్స్.. మాస్ రాజా ఈజ్ బ్యాక్ !
అయితే తాజాగా టాలీవుడ్ సమాచారం ప్రకారం.. జనవరి 26న గణతంత్ర దినోత్సవం సందర్భంగా టీజర్ ను విడుదల చేసే ప్లాన్ ను చేస్తున్నాడట రాజమౌళి. స్వాతంత్ర్య సంగ్రామం నాటి కథకావడంతో ఆ రోజున విడుదల చేస్తే హైప్ వస్తుందని రాజమౌళి కసరత్తు చేస్తున్నట్లు తెలుస్తోంది.
త్వరలో విడుదల చేయబోయే టీజర్ కు అగ్రహీరో చిరంజీవితో వాయిస్ ఇప్పించాలని చిత్రబృందం యోచిస్తోందట.. దీంతో ఈ నెలలో ఖచ్చితంగా కేజీఎఫ్2ను మించిపోయేలా రాజమౌళి టీజర్ ఉంటుందని ఆర్ఆర్ఆర్ ఫ్యాన్స్ గంపెడాశలు పెట్టుకున్నారు.
మరిన్ని సినిమా వార్తల కోసం టాలీవుడ్ న్యూస్
