Japanese : ఉదయం నిద్రలేచినప్పటి నుంచి రాత్రి పడుకునే వరకు, ప్రతి క్షణం పని బాధ్యతలు, ఉద్రిక్తతలు మనల్ని చుట్టుముడతాయి. ఈ చక్రం ప్రతిరోజూ పునరావృతమవుతుంది. గుండె, మనస్సుపై భారం పెరుగుతూనే ఉంటుంది. అటువంటి పరిస్థితిలో, జపాన్ ప్రత్యేక జీవనశైలి ప్రతి ఒక్కరికీ చాలా ఉపశమనం కలిగిస్తుంది. దీనిలో ఒత్తిడిని నివారించడానికి, మనసుకు ప్రశాంతతను ఇవ్వడానికి వివిధ మార్గాలపై శ్రద్ధ చూపించవచ్చు. రండి, ఈ వ్యాసంలో యుటోరి లైఫ్ స్టైల్ అర్థాన్ని వివరంగా తెలుసుకుందాం. దాని ద్వారా మీ దైనందిన జీవితాన్ని ఎలా సులభతరం చేసుకోవచ్చో కూడా తెలుసుకుందాం.
యుటోరి అంటే అర్థం ఏమిటి?
‘యుటోరి’ అంటే ‘మినహాయింపు’ లేదా ‘విముక్తి’. జీవితాన్ని గడపడం అనే ఈ భావన, జీవితాన్ని కొంచెం సులభతరం చేయడం, సౌకర్యవంతంగా మార్చుకోవడం నేడు ప్రతి ఒక్కరికీ చాలా ముఖ్యం అని చెబుతుంది. తద్వారా మనం ఒత్తిడి, అలసట, బర్నౌట్ను నివారించవచ్చు. ఉటోరి ద్వారా, మీరు పని, చదువు లేదా కార్యాలయం, వ్యక్తిగత జీవితాన్ని ఎలా సమతుల్యం చేసుకోవాలో నేర్చుకోవచ్చు. తద్వారా మిమ్మల్ని మీరు మానసికంగా బలంగా మార్చుకోవచ్చు.
1990లలో, జపాన్లో బర్న్అవుట్ సమస్య తీవ్రమైంది. ప్రజలు ఎక్కువ సమయం పనిలో బిజీగా ఉండేవారు. పాఠశాలల్లో చదువుకోవాలని చాలా ఒత్తిడి ఉండేది. సామాజిక జీవితం దాదాపుగా లేకుండా పోయింది. అటువంటి పరిస్థితిలో, ఈ వేగాన్ని తగ్గించడం అవసరమని సమాజం భావించింది. ఈ సమయంలో, ‘యుటోరి క్యోయికు’ (యుటోరి విద్య) ప్రారంభించారు. ఇది చదువుల ఒత్తిడిని తగ్గించడం, పిల్లలకు మరింత విశ్రాంతిని ఇవ్వడం అలాగే వారి సృజనాత్మకత, ఆలోచనా సామర్థ్యాన్ని ప్రోత్సహించడం లక్ష్యంగా పెట్టుకుంది.
Also Read : ఊబకాయాన్ని తరిమి కొట్టే జపనీయుల మంత్రం..
ఉటోరి భావన ఎలా పనిచేస్తుంది?
పని, చదువులో సరళత: విద్యార్థులు, ఉద్యోగులు అలసటను నివారించడానికి జపాన్ పని గంటలను తగ్గించి, పాఠశాల అధ్యయన సమయాలను తగ్గించింది. ఉద్యోగులు తమ కోసం, వారి కుటుంబాల కోసం సమయం కేటాయించగలిగేలా, కార్యాలయంలో ఎక్కువ గంటలు పని చేయకుండా ఉండటానికి నియమాలు రూపొందించారు. ధ్యానం వంటి కార్యకలాపాల ద్వారా మానసిక ఆరోగ్యాన్ని పెంపొందించడంపై ప్రాధాన్యత ఇచ్చారు. తద్వారా ప్రజలు ఒత్తిడిని అర్థం చేసుకుంటారు. దానిని నిర్వహించడంలో పెద్దగా ఇబ్బంది పడరు కదా.
సమతుల్య జీవనశైలి: యుటోరి అంటే జీవితంలో పనికి మాత్రమే కాకుండా, ఆట, కుటుంబం, మీ కోసం కూడా సమయం కేటాయించడం ముఖ్యం. ఎందుకంటే ఈ’ఉటోరి’ జీవితాన్ని మెరుగుపరుస్తుంది అని నమ్మే వారు ఎక్కువ. ఇక భారతదేశంతో పాటు ప్రపంచంలోని ఇతర ప్రాంతాలలో, ప్రజలు ఒత్తిడి, అలసటకు గురవుతున్నారు. అటువంటి పరిస్థితిలో, జీవితంలో విశ్రాంతి, ఆనందం పని ఎంత ముఖ్యమో యుటోరి మనకు బోధిస్తుంది.
