History of Indian Currency: రూపాయి.. ప్రస్తుత భారత కరెన్సీ. అమెరికా కరెన్సీ డాలర్.. దుబాయ్ కరెన్సీ రియాన్.. రష్యా కరెన్సీ యన్… ఇలా ఒక్కో దేశానికి ఒక్కో కరెన్సీ ఉంది. అయితే ప్రపంచ వాణిజ్యం మాత్రం అమెరికన్ డాలర్లలోనే జరుగుతుంది. డాలర్నే అన్ని దేశాలు ప్రామాణికంగా వినియోగిస్తున్నాయి. ఇక మన దేశం విషయానికి వస్తే.. మన దేశంలో రూపాయికి ముందు కూడా కరెన్సీ ఉంది. రూపాయికి ముందు వాడుకలో ఉన్న నాణేల చరిత్ర, సామాజిక ప్రాముఖ్యత ఆసక్తికరంగా ఉంటుంది. తెలుసుకోవడం కూడా అవసరం.
Also Read: కొవిడ్ తర్వాత మారిన ప్రజల అభిరుచి.. ఇప్పుడు ఇదే ట్రెండ్!
1. దమ్మిడి..
బ్రిటిష్ ఇండియా కాలంలో చెలామణిలో ఉన్న దమ్మిడి నాణెం అతి తక్కువ విలువ కలిగిన నాణెంగా పరిగణించబడేది. దీని విలువ 1/192 రూపాయిగా ఉండేది, అంటే 192 దమ్మిడీలు కలిస్తే ఒక రూపాయి అవుతుంది. తెలుగు సామెతలలో ‘దమ్మిడీకి కొరగానివాడు‘ అనే వ్యక్తీకరణ దీని నుండే వచ్చింది, ఇది ఒక వ్యక్తి యొక్క నీచమైన లేదా విలువ లేని స్వభావాన్ని సూచిస్తుంది. అలాగే, ‘నా దగ్గర దమ్మడి కూడా లేదు‘ అనే మాట ఆర్థిక దారిద్య్రాన్ని వ్యక్తీకరిస్తుంది.
2. గవ్వ..
గవ్వ, సముద్రంలో కనిపించే గవ్వల నుంచి పేరు పొందిన నాణెం, బ్రిటిష్ ఇండియా కాలంలో చెలామణిలో ఉండేది. దీని విలువ కూడా చాలా తక్కువగా ఉండేది, సాధారణంగా 1/64 రూపాయిగా లెక్కించబడేది, అంటే 64 గవ్వలు కలిస్తే ఒక రూపాయి అవుతుంది. తెలుగు భాషలో ‘చిల్లి గవ్వ కూడా లేదు‘ అనే సామెత ఆర్థిక ఇబ్బందులను సూచిస్తుంది.
3. ఇతర చిన్న నాణేలు..
ఇక రూపాయి కంటే తక్కువ విలువ కలిగిన అర్ధ రూపాయి (50 పైసలు), పావలా (25 పైసలు), బారాణ (75 పైసలు) నాణేలు 20వ శతాబ్దంలో విస్తృతంగా వాడుకలో ఉండేవి. ఇవి క్రమంగా చెలామణి నుండి తొలగించబడ్డాయి, కానీ ఇవి గత తరాలకు బాగా సుపరిచితమైనవి. 5, 10 10 పైసల నాణేలు కూడా ఒకప్పుడు సామాన్యంగా వాడబడేవి. ద్రవ్యోల్బణం, ఆర్థిక సంస్కరణల వల్ల ఈ చిన్న నాణేలు క్రమంగా తొలగించబడ్డాయి.
Also Read: చరిత్రలో బెస్ట్ ఫ్రెండ్స్ ఎవరో తెలుసా..?
ఆర్థిక చరిత్రలో నాణేల పాత్ర
బ్రిటిష్ ఇండియా కాలంలో దమ్మిడి, గవ్వ వంటి నాణేలు చిన్న లావాదేవీలకు ఉపయోగపడేవి. ఈ నాణేలు రాగి లేదా ఇతర సాధారణ లోహాలతో తయారు చేయబడేవి, వీటి విలువ చాలా తక్కువగా ఉండేది. రూపాయి విలువను 16 అణాలుగా, ఒక్కో అణా 12 పైలుగా, ఒక్కో పై 3 దమ్మిడీలుగా విభజించేవారు.
