Children : ఎక్కువగా ఎఫెక్టివ్గా ఉండే వర్కౌట్స్ చేయవద్దు. వారానికి ఐదు గంటల కంటే ఎక్కువ వర్కౌట్ చేయవద్దు. దీని వల్ల అండోత్సర్గం తగ్గుతుంది. కాబట్టి, తక్కువ ఎఫెక్ట్ ఉండే వర్కౌట్స్ చేయండి. బరువు ఎక్కువగా ఉన్నా, తక్కువగా ఉన్నా ప్రెగ్నెన్సీపై ఎఫెక్ట్ మాత్రం పడుతుంది అంటున్నారు నిపుణులు. దీని వల్ల అనుకున్నట్లుగా ప్రెగ్నెంట్ అవడం కష్టం అవుతుంది. కాబట్టి, ఆ సమస్యని దూరం చేయాలంటే మీరు మీ ఎత్తుకి తగ్గట్లు బరువు ఉన్నారా లేదా అనేది తెలుసుకోవాలి. మీరు ఉండాల్సిన బరువు ఎంత? ఇంతకీ మీరు ఎంత బరువు ఉన్నారనేది చెక్ చేసుకోవడం ముఖ్యం.
గుడ్లు ఆరోగ్యానికి చాలా మంచివి. గుడ్లలోని ఖనిజాలు, అమైనో యాసిడ్స్,విటమిన్స్, కూడా ఫోలికల్ క్వాలిటీని పెంచుతాయి. కాబట్టి, రెగ్యులర్గా గుడ్లని తింటే సంతానోత్పత్తి అవకాశం పెరుగుతుంది. ఫోలిక్ యాసిడ్, బి విటమిన్స్ వంటి సంతానోత్పత్తి, ప్రెగ్నెన్సీకి సపోర్ట్ చేసే మెడిసిన్ ఉంటాయి. వీటిని మీరు మీ డాక్టర్ సలహాతో తీసుకోవచ్చు. వీటిని తీసుకోవడం వల్ల మీరు త్వరగా కన్సీవ్ అవుతారు అంటున్నారు నిపుణులు
స్మోకింగ్, డ్రింకింగ్ లాంటి అలవాట్లు మన ఆరోగ్యానికి ఎంత హాని చేస్తాయో.. ప్రెగ్నెన్సీ అవకాశాలను కూడా అలానే తగ్గిస్తాయి. కాబట్టి, వీటికి దూరంగా ఉండండి. ఎక్కువగా స్మోక్, ఆల్కహాల్ తీసుకుంటే అది మీ సంతానోత్పత్తిపై ఎఫెక్ట్ చూపిస్తుంది.
ఓవులేషన్ టైమ్లో భార్యాభర్తలు కలవాలి. దీని వల్ల ప్రెగ్నెన్సీ వచ్చే ఛాన్సెస్ ఎక్కువగా ఉంటాయి. రెగ్యులర్ మెనుస్ట్రువల్ సైకిల్ అయితే ఓవులేషన్ అనేది 11 రోజుల నుంచి 21 రోజుల మద్య జరుగుతుంది. కాబట్టి, ఈ టైమ్లో మీరు కలవాలి. దీనివల్ల త్వరగా ప్రెగ్నెన్సీ వచ్చే ఛాన్స్ ఉంటుంది. అదే విధంగా, చాలా మంది లూబ్రికెంట్స్ని వాడతారు. వీటిని మీరు స్పెర్మ్, ఎగ్ ఫ్రెండ్లీ లూబ్రికెంట్స్ వాడడం మంచిది. దీని వల్ల కూడా ప్రెగ్నెన్సీ అయ్యే అవకాశాలు పెరుగుతాయి.
