New Car Sales: కొత్త కార్ల కోసం ఎగబడుతున్నారు.. అందుకే ఫుల్ ఆర్డర్లు అట

New Car Sales: కార్ల విక్రయాలు జోరందుకుంటున్నాయి. వినియోగదారుల నుంచి వస్తున్న డిమాండ్లతో కార్ల సంస్థలకు ఉత్పత్తి పెంచేందుకు ప్రయత్నిస్తున్నాయి. కరోనా ప్రభావంతో మార్కెట్లు అతలాకుతలం అయినా కార్ల అమ్మకాలు మాత్రం ఆగడం లేదు. దీంతో వ్యాపారంలో కార్ల విక్రయాలు రెట్టింపవుతున్నాయి. ఈ నేపథ్యంలో కంపెనీలు కూడా డిమాండ్లకనుగుణంగా తయారు చేసేందుకు మొగ్గు చూపుతున్నాయి. ఎంత డిమాండ్లు పెరిగినా వాటికి సమానమైన ఉత్పత్తిని సాధించేందుకే కంపెనీలు టార్గెట్లు పెట్టుకుంటున్నాయి.

దీంతో ప్రముఖ కంపెనీల వద్ద వినియోగదారుల డిమాండ్ల మేరకు ఉత్పత్తి చేసేందుకు రెడీ అవుతున్నాయి. ఇప్పటికే ప్రముఖ కంపెనీల వద్ద లక్షల్లో ఆర్డర్లు ఉండటంతో వారికి డెలివరీ చేసేందుకు కంపెనీలు కూడా ఉత్పత్తి చేపడుతున్నాయి. ప్రస్తుతం వివిధ కంపెనీల వద్ద ఉన్న ఆర్డర్లు 6,53,000 వరకు ఉన్నట్లు తెలుస్తోంది. ఎన్ని విపత్తులు వచ్చినా కార్ల డిమాండ్లు తగ్గడం లేదు. దీంతో ఉత్పత్తిలో కూడా వేగం పెంచుతున్నాయి. ప్రముఖ కంపెనీల వద్ద ఆర్డర్లు భారీగా ఉండటంతో వారికి అందజేసేందుకు మొగ్గు చూపుతున్నాయి.

Also Read: Amrit Sarovar Mission AP: ‘అమృత్ సరోవర్ ’లో ఆంధ్రప్రదేశ్ స్థానమెంతో తెలుసా?

మారుతి సుజుకి కంపెనీ వద్ద 3.22 లక్షల ఆర్డర్లు ఉన్నట్లు తెలుస్తోంది. రెండున్నర నెలల్లో వినియోగదారులకు డెలివరీ చేసేందుకు కంపెనీ సన్నద్ధమవుతోంది. రోజు వారీ ఉత్పత్తి పెంచేందుకు చర్యలు తీసుకుంటోంది. తరువాత హ్యుందాయ్ మోటార్ వెహికల్ కంపెనీ వద్ద 1.33 లక్షల యూనిట్లకు ఆర్డర్లు ఉన్నట్లు చెబుతున్నారు. త్వరలోనే వీరికి డెలివరీ చేసేందుకు కంపెనీలు రెడీ అవుతున్నాయి. మహేంద్ర అండ్ మహేంద్ర వద్ద కూడా 1.46 లక్షల యూనిట్లకు ఆర్డర్లు వచ్చినట్లు కంపెనీ ప్రతినిధులు తెలిపారు.

బెంజ్ కంపెనీ కూడా తన వద్ద ఐదు వేల ఆర్డర్లు ఉన్నట్లు చెబుతోంది. ఖరీదైన కార్లు కావడంతో వీటికి కూడా డిమాండ్ ఎక్కువగానే ఉండటం గమనార్హం. ప్రపంచ వాహన మార్కెట్లో భారత్ స్థానం ఐదోది కావడం విశేషం. దీంతో కార్ల వినియోగంలో మనదేశం పురోగతి సాధిస్తోంది. అన్ని కంపెనీలు తమదైన శైలిలో రాణిస్తూ తమ వ్యాపారాలను మూడు పువ్వులు ఆరు కాయలుగా మార్చుకుంటున్నాయి. ఈ క్రమంలో ఉత్పత్తి పెంచుతూ వినియోగదారుల ఆశలకు జీవం పోస్తున్నాయి. కరోనా విజృంభించినా కార్ల ఉత్పత్తి మాత్రం ఏ మాత్రం తగ్గేదేలే అని నిరూపిస్తున్నాయి.

Also Read:Four-Day Workweek: నాలుగు రోజులే పని.. నష్టమా.. లాభమా!?