Call Recording Without Warning: ఈ రోజుల్లో స్మార్ట్ఫోన్లు చాలా అభివృద్ధి చెందాయి. మన రోజువారీ పనులను చాలా సులభతరం చేసే అనేక లక్షణాలు ఫోన్ లో ఉంటున్నాయి. వీటిలో ఒకటి కాల్ రికార్డింగ్ ఫీచర్. మీరు మళ్ళీ సంభాషణను వినాలనుకున్నప్పుడు లేదా దానిని రికార్డ్గా ఉంచాలనుకున్నప్పుడు ఇది మీకు చాలా ఉపయోగం అవుతుంది కదా. అయితే ఈ స్థితిలో, కాల్ రికార్డింగ్ ఫీచర్ మీకు చాలా సహాయపడుతుంది. కానీ గూగుల్ కొంతకాలం క్రితం ఈ ఫీచర్లో పెద్ద మార్పు చేసింది. ఇప్పుడు కాల్ రికార్డ్ చేసే ముందు, అవతలి వ్యక్తికి అలర్ట్ వాయిస్ మెసేజ్ వస్తుంది. ఇది ఈ కాల్ రికార్డ్ అవుతోందని అవతలి వ్యక్తికి ముందుగానే తెలియజేస్తుంది. కానీ వాయిస్ మెసేజ్ అలర్ట్ లేకుండా కూడా ఈ కాల్ రికార్డ్ అవ్వాలి అని కొందరు కోరుకుంటారు. అందులో మీరు కూడా ఒకరా? అయితే ఈ ఆర్టికల్ మీ కోసమే.
అవును మీరు దీన్ని చేయవచ్చు. ఫోన్ లోపల ఒక ఫీచర్ ఉందండోయ్. ఇది ఆన్ చేసిన తర్వాత, మీరు కాల్ రికార్డ్ చేస్తున్నారని అవతలి వ్యక్తికి తెలియదు. అంటే, మీరు ఏదైనా కాల్ను రహస్యంగా రికార్డ్ చేయవచ్చు అన్నమాట. దీని కోసం మీరు సెట్టింగ్లలో కొన్ని మార్పులు చేసుకోవాల్సి ఉంటుంది. మరి ఆ సెట్టింగ్ ఏంటంటే?
రహస్యంగా కాల్లను రికార్డ్ చేయడం ఎలా?
దీని కోసం, ముందుగా మీ స్మార్ట్ఫోన్లో కాంటాక్ట్స్ యాప్ను ఓపెన్ చేయండి. ఇప్పుడు కుడి వైపున పైన మూలలో ఉన్న మూడు చుక్కల చిహ్నంపై క్లిక్ చేయండి. దీని తర్వాత డ్రాప్డౌన్ మెను నుంచి సెట్టింగ్ల ఎంపికను ఎంచుకోవాలి.
ఇలా చేసిన తర్వాత మీకు కాల్ సెట్టింగ్ల విభాగం ఓపెన్ అవుతుంది.. ఇక్కడ నుంచి కాల్ రికార్డింగ్కు సంబంధించిన ఎంపిక కనిపిస్తుంది. దానిపై క్లిక్ చేయండి. కాల్ రికార్డింగ్ ఆప్షన్కి వెళ్తే మీరు డిస్క్లైమర్కు బదులుగా ప్లే ఆడియో టోన్ అనే ఆప్షన్ను వస్తుంది. ఇప్పుడు మీరు ముందు కనిపించే టోగుల్ బటన్ను ఆన్ చేయాలి. అంతే మీరు రికార్డ్ చేసినప్పుడు యుఆర్ కాల్ ఈజ్ బీయింగ్ రికార్డింగ్ అని రాదు.
Also Read: Smartphone Tips : ఫోన్లోని ఈ ‘బటన్’ను వారానికి ఒకసారి నొక్కితే సంవత్సరాలు కూడా ఫోన్ పాడవదు..,
ఈ సెట్టింగ్ను ఆన్ చేయడం వల్ల కలిగే ప్రయోజనాలు
మీరు ఈ సెట్టింగ్ని ఆన్ చేసిన తర్వాత, కాల్ రికార్డింగ్ సమయంలో, అవతలి వ్యక్తి ఆటోమేటిక్ వాయిస్ డిస్క్లైమర్ను వినలేరు. అంటే ఈ కాల్ ఇప్పుడు రికార్డ్ అవుతుంది. కానీ దానికి బదులుగా, బీప్ సౌండ్ మాత్రమే వినిపిస్తుంది అన్నమాట. ఈ బీప్ వింటే, అవతలి వ్యక్తి కాల్ రికార్డింగ్ ఆన్లో ఉందని అర్థం చేసుకోలేరు. కాబట్టి, ఈ సెట్టింగ్ని ఆన్లో ఉంచండి,. తద్వారా అవతలి వ్యక్తి బీప్ తప్ప మరేమీ వినపడదు.
Disclaimer : ఈ సమాచారం కేవలం అవగాహన కోసం మాత్రమే అందిస్తున్నాము. దీన్ని Oktelugu.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు.
