Belly Fat Health Risks: బొడ్డు కొవ్వు… ఈ మాట వినగానే, మనలో చాలా మంది డైటింగ్, జిమ్ గురించి ఆలోచించడం ప్రారంభిస్తారు. కానీ నడుము చుట్టూ పేరుకుపోయిన ఈ కొవ్వు మీ జీన్స్ లేదా మీకు ఇష్టమైన దుస్తులలో వేసుకోవడంలో ఇబ్బంది కలిగిస్తుందని మీరు బాధ పడుతుంటారా? జస్ట్ ఇది మీ బట్టలకు మాత్రమే కాదు. చాలా విధాలుగా ప్రమాదమే. ఏకంగా మీ బొడ్డు కొవ్వు సోరియాసిస్ వంటి తీవ్రమైన చర్మ వ్యాధుల ప్రమాదాన్ని పెంచుతుందని ఇటీవలి అధ్యయనం వెల్లడించింది. అంటే, ఇది అందానికి సంబంధించిన విషయం మాత్రమే కాదు. మీ ఆరోగ్యానికి కూడా సంబంధించినది. ఈ కొత్త పరిశోధన గురించి వివరంగా తెలుసుకుందామా?
అధ్యయనం ఏం చెబుతోంది?
ఈ అధ్యయనాన్ని లండన్లోని కింగ్స్ కాలేజ్ శాస్త్రవేత్తలు నిర్వహించారు. వారు UKలోని 3.3 లక్షలకు పైగా ప్రజల నుంచి డేటాను విశ్లేషించారు. వీరిలో 9,000 కంటే ఎక్కువ మంది సోరియాసిస్తో బాధపడుతున్నారు. ఈ పరిశోధన నడుము-తుంటి నిష్పత్తి, బొడ్డు కొవ్వు నిష్పత్తి, నడుము చుట్టుకొలత, మొత్తం బొడ్డు కొవ్వుతో సహా 25 వేర్వేరు శరీర కొవ్వు కొలతలను పరిశీలించింది. నడుము చుట్టూ కొవ్వు పేరుకుపోవడం వల్ల సోరియాసిస్ వచ్చే ప్రమాదం ఎక్కువగా ఉందనే ఆశ్చర్యకరమైన వాస్తవాన్ని పరిశోధన వెల్లడించింది. బాడీ మాక్స్ ఈ ప్రమాదాన్ని పూర్తిగా తెలపడం కష్టమే.
Also Read: పరగడుపున రాగిజావ తాగితే కలిగే ఆరోగ్య ప్రయోజనాలివే..?
నిపుణుల అభిప్రాయం ఏమిటి?
“కొవ్వు పరిమాణం మాత్రమే కాకుండా, అది శరీరంలో ఎక్కడ పేరుకుపోతుందనేది కూడా సోరియాసిస్ ప్రమాదాన్ని ప్రభావితం చేస్తుందని అర్థం చేసుకోవడం చాలా ముఖ్యం. ముఖ్యంగా నడుము చుట్టూ ఉన్న కొవ్వు ఈ వ్యాధికి చాలా దగ్గరి సంబంధం కలిగి ఉంటుంది. దీనికి చికిత్స, నివారణ వ్యూహాలలో మార్పులు కూడా అవసరం” అని పరిశోధనకు ప్రధాన రచయిత డాక్టర్ రవి రామేసూర్ తెలిపారు.
అదే సమయంలో, సీనియర్ రచయిత్రి డాక్టర్ కేథరీన్ హెచ్. స్మిత్ ప్రకారం – “ప్రపంచవ్యాప్తంగా ఊబకాయం పెరుగుతున్నందున, శరీరంలోని వివిధ భాగాలలో పేరుకుపోయిన కొవ్వు సోరియాసిస్ వంటి దీర్ఘకాలిక వ్యాధులను ఎలా ప్రభావితం చేస్తుందో తెలుసుకోవడం మనకు చాలా ముఖ్యం. ముఖ్యమైన విషయం ఏమిటంటే ఈ ప్రభావం జన్యుపరమైన కారణాల వల్ల మాత్రమే కాదు, జీవనశైలికి కూడా సంబంధించినది.” అని తెలిపారు.
BMI పై మాత్రమే ఆధారపడకండి
ప్రజలలో ఊబకాయాన్ని సాధారణంగా BMI ఆధారంగా అంచనా వేస్తారు. కానీ ఈ పద్ధతి ప్రతిసారి ప్రభావవంతంగా ఉండదు. సాధారణ BMI ఉండి బొడ్డు చుట్టూ ఎక్కువ కొవ్వు ఉంటే కూడా ఈ సోరియాసిస్ వచ్చే ప్రమాదం ఎక్కువగా ఉంటుంది అంటుంది ఈ అధ్యయనం. కాబట్టి, ఇప్పుడు ఆరోగ్య పరీక్షలో నడుము చుట్టుకొలత, బొడ్డు కొవ్వును చేర్చాల్సిన అవసరం ఉంది.
స్త్రీలు ఎక్కువ ప్రమాదంలో ఉన్నారు
మరో ఆశ్చర్యకరమైన విషయం ఏమిటంటే, బొడ్డు కొవ్వు, సోరియాసిస్ మధ్య సంబంధం మహిళల్లో మరింత బలంగా ఉన్నట్లు కనిపించింది. దీని వెనుక కొన్ని జీవసంబంధమైన కారణాలు ఉండవచ్చని శాస్త్రవేత్తలు భావిస్తున్నారు. అవి ఇంకా పూర్తిగా అర్థం కాలేదు. భవిష్యత్తులో పరిశోధన అవసరం.
Also Read: Cashew Nuts: జీడిపప్పు తినడం వల్ల ఒంట్లో కొవ్వు పెరుగుతుందా? తగ్గుతుందా? అసలు నిజం ఇదీ
ఈ ఫలితం అందరికీ వర్తిస్తుందా?
ఈ అధ్యయనం ప్రస్తుతం బ్రిటన్లోని తెల్ల బ్రిటిష్ వంశపారంపర్యతపై మాత్రమే ఆధారపడింది. అందువల్ల, దాని ఫలితాలను ప్రపంచ జనాభాలోని మిగిలిన ప్రాంతాలకు పూర్తిగా వర్తింపజేయడం సాధ్యం కాదు. భవిష్యత్తులో, వివిధ జాతుల సమూహాలు, విభిన్న జనాభా ఆధారంగా అధ్యయనాలు నిర్వహించాల్సిన అవసరం ఉంది.
ఈ పరిశోధన నుంచి ఒక విషయం స్పష్టంగా తెలుస్తుంది. బొడ్డు కొవ్వు అనేది కేవలం శరీర ఆకృతి లేదా దుస్తుల పరిమాణం మాత్రమే కాదు. అది మీ శరీరంలో జరుగుతున్న అంతర్గత వాపు, వ్యాధుల సంకేతం కూడా కావచ్చు. మీరు BMI మీద మాత్రమే ఆధారపడకుండా శరీర కొవ్వు మీద కూడా కాస్త దృష్టి పెట్టడం ముఖ్యం.
Disclaimer : ఈ సమాచారం కేవలం అవగాహన కోసం మాత్రమే అందిస్తున్నాము. దీన్ని Oktelugu.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు.
