Russia crude oil : క్రూడ్ ఆయిల్ .. దీనికి ప్రపంచ ఆర్థిక శక్తిని మార్చే దమ్ము ఉంది. ఇటీవల అమెరికా, ఇరాన్ మధ్య యుద్ధం జరిగినప్పుడు.. క్రూడ్ ఆయిల్ గురించే ప్రధానంగా చర్చ జరిగింది. పైగా హార్మోజ్ జల సంధి మీదుగా క్రూడ్ ఆయిల్ రవాణా చేయాలని ప్రపంచ దేశాలు డిమాండ్ చేశాయి. అమెరికా కూడా ఇదే డిమాండ్ ను తెరపైకి తీసుకువచ్చింది.. అంతటి క్రూడ్ ఆయిల్ ఉన్న దేశాలలో రష్యా కూడా ఒకటి. వాస్తవానికి రష్యా ఈ స్థాయిలో సంపన్నంగా ఉండడానికి క్రూడ్ ఆయిల్ కూడా ఒక కారణం.
మన దేశానికి సంబంధించి క్రూడ్ ఆయిల్ రవాణా చేసే దేశాలలో రష్యా ముందు వరుసలో ఉంటుంది. పైగా అప్పట్లో రష్యా మనకు అత్యంత తక్కువ ధరకు క్రూడ్ ఆయిల్ అందించింది. రష్యా మన దేశానికి ఎప్పటినుంచో వ్యూహాత్మక వ్యాపార భాగస్వామిగా కొనసాగుతోంది. ఇటీవల యుద్ధం కాలంలో కూడా రష్యా మనకు క్రూడ్ ఆయిల్ ను సరఫరా చేసింది. అయితే అంతటి రష్యాకు ఇప్పుడు భారత్ గ్యాసోలిన్(పెట్రోల్) చేస్తోంది. వాస్తవానికి రష్యానే మనకు క్రూడ్ ఆయిల్ సరఫరా చేస్తుంది. అటువంటి ఆదేశం మన దగ్గర పెట్రోల్ కొనుక్కోవడం అందరికీ ఆశ్చర్యంగా ఉంది.
రష్యాలో క్రూడ్ ఆయిల్ విస్తారంగా లభిస్తూ ఉంటుంది. ఇది ఆ దేశానికి భారీగా ఆదాయాన్ని ఆర్జించి పెడుతుంది. అయితే ఇటీవల కాలంలో ఉక్రెయిన్ రష్యా ప్రధాన ఆయిల్ రిఫైనరీల మీద డ్రోన్ల ద్వారా దాడి చేసింది. వాటిని పూర్తిగా ధ్వంసం చేసింది. దీంతో అవి ఇప్పటికిప్పుడు వాడకంలోకి వచ్చే అవకాశం లేకుండా పోయింది. దీంతో రష్యా దగ్గర భారీగా క్రూడ్ ఆయిల్ ఉన్నప్పటికీ రిఫైన్ చేసి.. పెట్రోల్.. డీజిల్ తయారు చేసే అవకాశం లేకుండా పోయింది. అందువల్లే రష్యా కు మనం పెట్రోల్ అమ్మాల్సి వస్తోంది. ఉక్రెయిన్ ఇటీవల చేసిన దాడుల వల్ల రష్యా చాలావరకు ఆయిల్ రిఫైనరీలను కోల్పోయింది. ఇప్పటికిప్పుడు వాటి ద్వారా ముడి చమురు శుద్ధి చేసే అవకాశం లేకుండా పోయింది. అందువల్లే రష్యా మన దగ్గర పెట్రోల్ కొనుగోలు చేయాల్సి వస్తోంది.
రష్యాతో భారతదేశానికి సంవత్సరాల నాటి స్నేహం ఉంది. పైగా ఈ రెండు దేశాల మధ్య వాణిజ్య బంధం అత్యంత బలంగా ఉంది. అందువల్లే రష్యా అడిగిన వెంటనే భారత్ పెట్రోల్ సరఫరా చేస్తోంది. కష్టకాలంలో రష్యా దేశానికి అండగా నిలబడుతుంది. చైనా.. ఇతర దేశాలు కూడా రష్యాకు సాయం చేసే విషయంలో నిశ్శబ్దంగా ఉంటే.. భారత్ మాత్రం ఆపనహస్తం అందిస్తోంది. కష్ట కాలంలో రష్యాకు నిజమైన స్నేహితుడి లాగా నిలబడుతోంది.
