SBI ATM salon : ఈ రోజుల్లో చెట్టు పేరు చెప్పి కాయలు అమ్మేవారు చాలామంది. అయితే ఆ కాయలు అమ్మడంలో కూడా కొంతమంది టెక్నిక్ పాటిస్తుంటారు. తద్వారా వినూత్నమైన మార్కెట్ సంపాదించుకొని భారీగా ఆర్జిస్తూ ఉంటారు. అటువంటి వారిలో ఇతడు పిహెచ్డి చేశాడు అనుకుంటా. చదివింది తక్కువనే. తెలివితేటలు మాత్రం పీహెచ్డీ లెవెల్. అందుకే ఈ రేంజ్ లో షాప్ పెట్టాడు. ఒక రేంజ్ లో సంపాదిస్తున్నాడు.
అతడి పేరు రాహుల్ (కొన్ని పరిమితుల దృష్ట్యా పేరు మార్చాల్సి వచ్చింది) అతడు వృత్తిరీత్యా బార్బర్. చదువుకున్నది కొంత వరకే అయినప్పటికీ.. క్షవరం మాత్రం బాగా చేస్తాడు. డిఫరెంట్ స్టైల్ లో మగవాళ్లకు కటింగ్ చేస్తూ తక్కువ కాలంలోనే మంచి పేరు సంపాదించుకున్నాడు. ఇతడి సొంత రాష్ట్రం బీహార్. ఆ ప్రాంతంలోని దానాపూర్ ఏరియాలో నివాసం ఉంటాడు. ప్రపంచంలో ఏ సెలూన్ షాప్ కైనా సరే ఒక పేరు ఉంటుంది. కానీ ఇతడి షాప్ కు ఎటువంటి పేరు ఉండదు. పేరు లేకుండానే ఇతడు ఇంతగా సంపాదిస్తున్నాడా.. అనే డౌట్ మీకు రావచ్చు. బ్రాండ్ గట్టిగా ఉంటే పేరుతో సంబంధం లేదు. ఆయన పేరే ఒక బ్రాండ్ అన్నట్టుగా రాహుల్ తనకంటూ ఒక మార్కెట్ సృష్టించుకున్నాడు.
దానాపూర్ ఏరియాలో రాహుల్ షాప్ కు ఎటువంటి పేరు ఉండదు. అతడి సెలూన్ షాప్ పేరు చెప్పాలంటే ఎవరైనా ఎస్బిఐ ఎటిఎం అంటే చాలు. అదేంటి ఎటిఎం సెంటర్లో కటింగ్ చేయడం ఏంటి అనే అనుమానం మీలో కలిగింది కదా.. అయితే రాహుల్ ఏర్పాటు చేసిన షాప్ మెయిన్ సెంటర్లో ఉంటుంది. గతంలో ఆ భవనంలో ఎస్బిఐ ఏటీఎం కేంద్రాన్ని ఏర్పాటు చేసింది. ఆ తర్వాత మూసివేసింది. ఏటీఎం సెంటర్ మూసివేసినప్పటికీ దాని నేమ్ బోర్డు తొలగించలేదు. అది అప్పటినుంచి అలానే ఉంది. ఆహులు కూడా ఆ నేమ్ బోర్డు అలానే కొనసాగిస్తున్నాడు. దానివల్ల తనకు విపరీతమైన గిరాకీ వస్తుందని అతను చెబుతున్నాడు. ఏటీఎం సెంటర్ అనుకుని చాలామంది డబ్బులు డ్రా చేయడానికి వస్తున్నారని.. వారంతా లోపలికి రాగానే షాక్ అవుతున్నారని రాహుల్ అంటున్నాడు.
డబుల్ డ్రా చేయడానికి వచ్చిన వారిలో చాలామంది కటింగ్ చేయించుకుని వెళ్తున్నారని అతడు సంతోషం వ్యక్తం చేస్తున్నాడు.. పైగా రాహుల్ కు మంచి పేరు ఉండడంతో గిరాకీ కూడా బ్రహ్మాండంగా సాగుతోంది. ఈ నేమ్ బోర్డును ఎస్బిఐ అధికారులు తొలగించకుండా అలానే ఉంచాలని అతడు కోరుతున్నాడు. ఎంతైనా గొప్ప ఆలోచన కదా.. దూరం నుంచి చూస్తే ఇది ఎస్బిఐ ఎటిఎం సెంటర్.. లోపలికి వెళ్తే కచ్చితంగా క్షవరం చేస్తాడు. ఎంతైనా రాహుల్ ఐడియానే ఐడియా.
