Samantha new movie postponement : పాపం సమంత కి ఈమధ్య అసలు కాలం కలిసి రావడం లేదు. చాలా కాలం తర్వాత సినిమాల్లోకి రీ ఎంట్రీ ఇస్తూ , ఆమె నటించిన చిత్రం ‘మా ఇంటి బంగారం’. ఈ సినిమా పై మార్కెట్ లో మంచి క్రేజ్ ఉంది. కానీ సరిగ్గా విడుదల సమయానికి ఎదో ఒక సమస్య వస్తూనే ఉంది. ముందుగా ఈ చిత్రాన్ని మే 14 న విడుదల చెయ్యాలని అనుకున్నారు. కానీ అప్పటికీ పోస్ట్ ప్రొడక్షన్ వర్క్ పూర్తి కాకపోవడం తో , జూన్ 4 న విడుదల చెయ్యాలని అనుకున్నారు. సరిగ్గా అదే రోజున సమంత కి ఎంతో ఇష్టమైన రామ్ చరణ్ నటించిన ‘పెద్ది’ చిత్రం విడుదల కాబోతున్నట్టు అధికారిక ప్రకటన చేశారు. దీంతో తన చిత్రాన్ని సమంత జూన్ 19 కి వాయిదా వేసింది. ఇక్కడే అసలు సిసలు సమస్య వచ్చింది.
ఈ సినిమా విడుదలయ్యే రోజునే , తమిళనాడు ముఖ్యమంత్రి విజయ్ నటించిన చివరి చిత్రం ‘జన నాయగన్ ‘ విడుదల కాబోతుంది. త్వరలోనే మేకర్స్ అధికారిక ప్రకటన చేయబోతున్నారు. ఈ వారం లోనే సెన్సార్ సమస్యలు కూడా తీరబోతున్నాయని టాక్. అదే కనుక జరిగితే సమంత తన ‘మా ఇంటి బంగారం’ చిత్రాన్ని మరోసారి వాయిదా వేయక తప్పదు. ఆమె ఈ చిత్రం జూన్ 19 న విడుదల కాబోతుందని కలలో కూడా ఊహించి ఉండదు. పైగా విజయ్ ముఖ్యమంత్రి అయ్యాక ఆయన నుండి విడుదల అవ్వబోతున్న మొదటి సినిమా ఇది , ఈ చిత్రం తోనే ఆయన సినిమా కెరీర్ కూడా ముగియబోతుంది. కాబట్టి ఈ సినిమాకు అటు తమిళ రాష్ట్రాల్లోనూ , ఇటు తెలుగు రాష్ట్రాల్లోనూ క్రేజ్ ఎవ్వరూ ఊహించని రేంజ్ లో ఉండబోతుంది , ఇలాంటి సమయం లో ఆ చిత్రం తో పోటీ పడితే , సమంత సినిమా పరిస్థితి లారీ క్రింద నిమ్మకాయ మాదిరి అవుతుందని విశ్లేషకులు చెప్తున్న మాట.
మరి ఇప్పుడు సమంత జులై కి వెళ్లబోతుందా ?, లేదా దసరా కి వెళ్తుందా అనేది చూడాలి. మొత్తానికి సీఎం విజయ్ సమంత కి ఊహించని షాక్ ఇచ్చాడని అంటున్నారు విశ్లేషకులు. ఇక ‘మా ఇంటి బంగారం’ విషయానికి వస్తే, ఈ చిత్రానికి నందిని రెడ్డి దర్శకత్వం వహించింది, ‘ఓ బేబీ’ లాంటి భారీ హిట్ తర్వాత వీళ్లిద్దరి నుండి రాబోతున్న చిత్రమిది. ఇప్పటికే ఈ చిత్రం నుండి విడుదలైన ప్రమోషనల్ కంటెంట్ కి మంచి రెస్పాన్స్ వచ్చింది. ఇదంతా పక్కన పెడితే ఈ సినిమాకు సమంత నిర్మాతగా కూడా వ్యవహరించడం గమనార్హం.
