టోక్యో ఒలింపిక్స్ లో భారత పురుషుల హాకీ జట్టు వరుస విజయాలతో అదరగొడుతోంది. శుక్రవారం పూల్-ఏ విభాగంలో జపాన్ తో తలపడిన భారత్ 5-3 తేడాతో విజయాన్ని తన ఖాతాలో వేసుకుంది. దాంతో పూల్ -ఏలో టీమ్ ఇండియా.. ఆస్ట్రేలియా తర్వాత నాలుగు విజయాలతో రెండో స్థానంలో నిలిచింది. ఈ క్రమంలోనే క్వార్టర్ ఫైనల్స్ కు దూసుకెళ్లింది. కాగా, ఈ ఫూల్ లో మొత్తం ఐదు మ్యాచ్ లు ఆడిన భారత్ కేవలం ఆస్ట్రేలియాతోనే 1-7 తేడాతో ఓటమిపాలైంది.