Naga Bandham Box Office : విడుదలకు ముందు ప్రమోషనల్ కంటెంట్ తో ప్రేక్షకులను విశేషం గా ఆకట్టుకున్న చిత్రం ‘నాగబంధం’. భారీ బడ్జెట్ తో , కళ్ళు చెదిరే విజువల్ ఎఫెక్ట్స్ తో థియేట్రికల్ ట్రైలర్ తోనే భారీ అంచనాలను రేకెత్తించింది ఈ చిత్రం. కానీ విడుదల తర్వాత ఈ చిత్రానికి మొదటి ఆట నుండే డిజాస్టర్ టాక్ వచ్చింది. ఆ రేంజ్ టాక్ వచ్చినప్పటికి కూడా కలెక్షన్స్ డీసెంట్ రేంజ్ లో రావడం గమనార్హం. భారీ బడ్జెట్ తో ఈ చిత్రాన్ని నిర్మించాము అని మేకర్స్ చేసిన పబ్లిసిటీ ఈ చిత్రానికి బాగా వర్కౌట్ అయ్యిందని అనిపిస్తోంది. 4 వ రోజున తెలుగు రాష్ట్రాల నుండి ఈ చిత్రానికి 1 కోటి 20 లక్షల రూపాయిల రేంజ్ గ్రాస్ వసూళ్లు రాగా, ఓవరాల్ వరల్డ్ వైడ్ గా 1 కోటి 80 లక్షల రూపాయిల రేంజ్ లో గ్రాస్ వసూళ్లు వచ్చాయి.
ఓవరాల్ గా 4 వ రోజున వరల్డ్ వైడ్ షేర్ వసూళ్లు 80 లక్షల రేంజ్ లో ఉంటాయని సమాచారం. నాలుగు రోజులు పూర్తి అయ్యేసరికి ప్రాంతాల వారీగా ఈ చిత్రానికి వచ్చిన గ్రాస్ వసూళ్లను ఒకసారి పరిశీలిస్తే, నైజాం ప్రాంతం నుండి 5 కోట్ల 45 లక్షల రూపాయిల గ్రాస్ వసూళ్లు రాగా, ఆంధ్ర ప్రదేశ్ + సీడెడ్ ప్రాంతాల నుండి ఈ చిత్రానికి 4 కోట్ల 10 లక్షల రూపాయిల గ్రాస్ వసూళ్లు వచ్చాయి. ఓవరాల్ గా తెలుగు రాష్ట్రాల నుండి ఈ చిత్రానికి 9 కోట్ల 55 లక్షల రూపాయిల గ్రాస్ వసూళ్లు , 4 కోట్ల 75 లక్షల రూపాయిల షేర్ వసూళ్లు వచ్చాయి. వచ్చిన నెగెటివ్ టాక్ కి ఈ మాత్రం వసూళ్లు రావడం నిజంగా గ్రేట్. కానీ నిర్మాతకు బ్రేక్ ఈవెన్ అవ్వడానికి ఈ వసూళ్లు ఏ మాత్రం సరిపోవు అనేది వాస్తవం.
ఇక ఇతర ప్రాంతాల విషయానికి వస్తే కర్ణాటక నుండి 1 కోటి 55 లక్షల రూపాయిల గ్రాస్ వసూళ్లు రాగ, హిందీ + రెస్ట్ ఆఫ్ ఇండియా నుండి 2 కోట్ల 5 లక్షల రూపాయిల గ్రాస్ వసూళ్లు , ఓవర్సీస్ నుండి 1 కోటి 45 లక్షల రూపాయిల గ్రాస్ వసూళ్లు వచ్చాయి. ఇండియా వైడ్ గా డీసెంట్ స్థాయి వసూళ్లు వచ్చాయి , ఓవర్సీస్ లో మాత్రం డిజాస్టర్ రేంజ్ వసూళ్లు వచ్చాయి. ఓవరాల్ గా ఈ చిత్రం కనీసం స్థాయిలో సేఫ్ అవ్వాలంటే వరల్డ్ వైడ్ గా 28 కోట్ల రూపాయిల షేర్ వసూళ్లను రాబట్టాలి. ప్రస్తుతం ఉన్న ట్రెండ్ ప్రకారం చూస్తే కేవలం 10 నుండి 15 కోట్ల రూపాయిల షేర్ వసూళ్లు మాత్రమే వచ్చేలా అనిపిస్తోంది. నిర్మాతకు భారీ నష్టాలు తప్పేలా లేవు.
