Lenin Movie Review : అక్కినేని అభిమానులు ఎంతో ఆతృతగా ఎదురు చూస్తున్న ‘లెనిన్’ చిత్రం మరో మూడు రోజుల్లో ప్రేక్షకుల ముందుకు రాబోతున్న సందర్భంగా , ఈ చిత్రానికి సంబంధించిన ప్రొమోషన్స్ వేరే లెవెల్ లో చేస్తున్నారు మూవీ టీం. సోషల్ మీడియా తెరిస్తే చాలు , ఎక్కడ చూసినా ‘లెనిన్’ సినిమాకు సంబంధించిన ఇంటర్వ్యూస్ మాత్రమే కనిపిస్తున్నాయి. నిన్న తిరుపతి లో ఈ చిత్రానికి సంబంధించిన ప్రీ రిలీజ్ ఈవెంట్ కి కూడా అద్భుతమైన రెస్పాన్స్ వచ్చింది. అక్కినేని నాగార్జున , అఖిల్ మాటల్లోని నమ్మకాన్ని చూసి , ఈసారి చాలా గట్టిగా కొట్టబోతున్నాము అనే నమ్మకం అక్కినేని ఫ్యాన్స్ లో కూడా వచ్చింది. ఇకపోతే ఈ చిత్రానికి సంబంధించిన మొదటి కాపీ ప్రివ్యూ షో ని నిన్న రామానాయుడు స్టూడియోస్ లో వీక్షించారు మూవీ టీం. ఈ షో కి కొంతమంది మీడియా ప్రముఖులు కూడా విచ్చేసారు.
వాళ్ళ నుండి ఈ చిత్రానికి వస్తున్న టాక్ ఇప్పుడు అభిమానుల్లో సరికొత్త ఉత్సాహాన్ని నింపుతోంది. ఈ సినిమా ఆరంభం నుండే ఒక పల్లెటూరులోకి అడుగుపెట్టిన ఫీలింగ్ కలుగుతుందని , అఖిల్ లుక్స్ , నటన చాలా నేచురల్ గా ఉందని, ముఖ్యంగా ఆయన యాస కూడా ఆకట్టుకునే విధంగా ఉందని , హీరోయిన్ గా భాగ్యశ్రీ భొర్సే కూడా అద్భుతంగా నటించిందని , వీళ్ళతో పాటు సపోర్టింగ్ క్యాస్ట్ నటన కూడా బాగా పేలిందని , ఈ రేంజ్ లో ఫస్ట్ హాఫ్ ఉంటుందని అసలు ఊహించలేదని అంటున్నారు. ఫస్ట్ హాఫ్ కే అభిమానులకు భుక్తాయాసం వచ్చినంత పని అయ్యింది అనుకుంటే , సెకండ్ హాఫ్ వేరే లెవెల్ లో ఉందని, ప్రీ క్లైమాక్స్ లో వచ్చే ఒక ట్విస్ట్ కి ఆడియన్స్ మైండ్ బ్లాక్ అవ్వుద్దని అంటున్నారు.
ఈ ట్విస్ట్ గురించి అక్కినేని నాగార్జున కూడా ప్రీ రిలీజ్ ఈవెంట్ లో ప్రత్యేకించి హైలైట్ చేసి చెప్పారు. ఆడియన్స్ కి కూడా అదే రేంజ్ లో ఎక్కితే మాత్రం అఖిల్ కెరీర్ లో ఇదొక మైల్ స్టోన్ లాంటి సినిమాగా నిలిచిపోతుంది అని చెప్పొచ్చు. సెకండ్ హాఫ్ లో ఎమోషనల్ బ్లాక్స్ చాలా అద్భుతంగా వచ్చాయట, ముఖ్యంగా అఖిల్ నుండి ఈ రేంజ్ పెర్ఫార్మన్స్ ని అభిమానులు కూడా ఊహించి ఉండరని అంటున్నారు. మరి సినిమా నిజంగా ఆ రేంజ్ లో ఉందో , లేదా కేవలం సినిమాకు హైప్ పెంచడం కోసం ఇలాంటి టాక్ చెప్పారా అనేది తెలియాలంటే మరో మూడు రోజులు ఆగాల్సిందే. ఇప్పటికే ఈ సినిమాకు సంబంధించిన ట్రైలర్ కి ఆడియన్స్ నుండి మంచి రెస్పాన్స్ వచ్చింది. ఆ ట్రైలర్ కి తగ్గట్టే సినిమా ఉంటుందో లేదో చూడాలి.
