Lenin Movie : అఖిల్ హీరో గా నటించిన లేటెస్ట్ చిత్రం ‘లెనిన్’ బాక్స్ ఆఫీస్ వద్ద స్టడీ వసూళ్లను రాబడుతూ ముందుకు వెళ్తూనే ఉంది. కేవలం 3 రోజుల్లోనే బ్రేక్ ఈవెన్ మార్కుని అందుకొని క్లీన్ సూపర్ హిట్ స్టేటస్ ని సొంతం చేసుకున్న ఈ చిత్రం, ఇప్పుడు ఇప్పుడు లాభాలను లెక్కేసుకుంటోంది. ట్రేడ్ పండితులు అందిస్తున్న సమాచారం ప్రకారం ఈ చిత్రానికి 4 వ రోజున 2 కోట్ల 25 లక్షల రూపాయిల షేర్ వసూళ్లు తెలుగు రాష్ట్రాల నుండి రాగా, 5 వ రోజున 1 కోటి 97 లక్షల రూపాయిల షేర్ వసూళ్లు వచ్చాయి. అంటే ముందు రోజుతో పోలిస్తే 80 శాతం కి పైగా హోల్డ్ ఉందన్నమాట. ఇది సాధారణమైన విషయం కాదు , అద్భుతమైన లాంగ్ రన్ కి సూచిక ఇది. 5 రోజుల్లో ప్రాంతాల వారీగా ఈ చిత్రానికి ఎంత వసూళ్లు వచ్చాయి అనేది ఇప్పుడు మనం చూడబోతున్నాం.
నైజాం ప్రాంతం లో ఈ చిత్రానికి 5 రోజుల్లో 9 కోట్ల 23 లక్షల రూపాయిల షేర్ వసూళ్లు వచ్చాయి. విడుదలకు ముందు ఈ ప్రాంతం లో జరిగిన ప్రీ రిలీజ్ థియేట్రికల్ బిజినెస్ 7 కోట్ల రూపాయిలు. ఇప్పటి వరకు 2 కోట్ల 23 లక్షల లాభాలు కేవలం ఈ ఒక్క ప్రాంతం నుండే వచ్చాయి. అదే విధంగా సీడెడ్ నుండి 2 కోట్ల 63 లక్షల రూపాయిల షేర్ వసూళ్లు రాగా , ఉత్తరాంధ్ర నుండి 2 కోట్ల 83 లక్షలు , ఈస్ట్ గోదావరి నుండి 1 కోటి 92 లక్షలు , వెస్ట్ గోదావరి నుండి 1 కోటి 21 లక్షలు , గుంటూరు నుండి 1 కోటి 80 లక్షలు , కృష్ణ నుండి 1 కోటి 35 లక్షలు , నెల్లూరు నుండి 85 లక్షల రూపాయిల షేర్ వసూళ్లు వచ్చాయి. ఓవరాల్ గా తెలుగు రాష్ట్రాల నుండి ఈ చిత్రానికి 21 కోట్ల 82 లక్షల రూపాయిల షాట్ వసూళ్లు , 36 కోట్ల 40 లక్షల రూపాయిల గ్రాస్ వసూళ్లు వచ్చాయి.
ఇక కర్ణాటక + రెస్ట్ ఆఫ్ ఇండియా కలిపి 1 కోటి 88 లక్షల రూపాయిల షేర్ వసూళ్లను రాబట్టిన ఈ చిత్రానికి , ఓవర్సీస్ నుండి 3 కోట్ల 40 లక్షల రూపాయిల షేర్ వసూళ్లు వచ్చాయి. ఇక్కడ కూడా ఈ చిత్రం పూర్తి స్థాయిలో బ్రేక్ ఈవెన్ మార్కుని అందుకుంది. ఓవరాల్ గా ఈ చిత్రానికి 27 కోట్ల రూపాయలకు పైగా షేర్ వసూళ్లు , 49 కోట్ల రూపాయలకు పైగా గ్రాస్ వసూళ్లు వచ్చాయి. ప్రస్తుతం ఉన్నటువంటి ట్రెండ్ ప్రకారం చూస్తే , ఈ చిత్రానికి మొదటి వారం 55 కోట్ల రూపాయలకు పైగా గ్రాస్ వసూళ్లు వచ్చే సూచనలు కనిపిస్తున్నాయి. ఫుల్ రన్ లో 100 కోట్ల గ్రాస్ ని అందుకుంటుందో లేదో అనేది చూడాలి.
