తాము అభివృద్ధి చేసిన సింగిల్ డోసు టీకా ప్రస్తుతం ప్రపంచవ్యాప్తంగా ఆందోళన కలిగిస్తున్న కరోనా డెల్టా రకం వైరస్ ను సమర్ధంగా అడ్డుకుంటున్నట్లు జాన్సన్ అండ్ జాన్సన్ వెల్లడించింది. వైరస్ సంక్రమణ నుంచి విస్తృతమైన రక్షణ కల్పిస్తున్నట్లు ఓ ప్రకటనలో పేర్కొంది. ఈ టీకా వల్ల ఉత్పత్తయిన యాంటీబాడీలు డెల్టాతో పాటు ఇతర రకాలను సైతం తటస్థీకరిస్తున్నట్లు గుర్తించామని తెలిపింది. దాదాపు ఎనిమిది నెలల పాటు యాంటీబాడీలు ఉత్పత్తి అయినట్లు వెల్లడించింది.
